വയനാട്: പുൽപ്പള്ളിയിൽ അജ്ഞാതർ വാഹനങ്ങളിൽ വിൽപ്പന നടത്തിയ ആപ്പിൾ കഴിച്ചവർക്ക് ദേഹാസ്വാസ്ഥ്യം. വയറുവേദന, തലവേദന എന്നിവ അനുഭവപ്പെട്ടതിനെ തുടർന്നാണ് ആപ്പിൾ കഴിച്ചവർ ചികിത്സ തേടിയത്. സംഭവത്തിൽ ബ്ലോക്ക് പഞ്ചായത്ത് അധികൃതർ പോലീസിൽ പരാതി നൽകി.
പോപ്പുലർ ഫ്രണ്ട് ഹർത്താലിന്റെ തലേ ദിവസം വാങ്ങിയ ആപ്പിൾ മുറിച്ച് നോക്കിയപ്പോൾ നിറവ്യത്യാസം കണ്ടതിനാൽ ചിലർ കഴിച്ചിരുന്നില്ല. മുറിച്ച് കുറച്ചു സമയം കഴിഞ്ഞപ്പോൾ ആപ്പിളുകൾ കറുപ്പും ചുവപ്പും നിറങ്ങളിലായി. പരിശോധിച്ചപ്പോൾ ഇവയിൽ സൂചി കുത്തിയത് പോലുള്ള പാടുകൾ കണ്ടെത്തിയതായും ഇവർ പറയുന്നു.
മൈസൂരുവിൽ നിന്നും എത്തിച്ച് വിൽപ്പന നടത്തിയ ആപ്പിളുകളിലാണ് അസ്വാഭാവികത കണ്ടെത്തിയത് എന്നാണ് സൂചന. ആലത്തൂർ ഭാഗത്ത് ആപ്പിൾ കഴിച്ചവർക്കും ദേഹാസ്വാസ്ഥ്യം ഉണ്ടായി. ഈ സാഹചര്യത്തിൽ ആശങ്കയിലാണ് പുൽപ്പള്ളി, സുൽത്താൻ ബത്തേരി, ആലത്തൂർ മേഖലകളിലെ ജനങ്ങൾ.
Comments