നവരാത്രി ആഘോഷങ്ങളുടെ ഭാഗമായി പ്രേക്ഷർക്ക് വൻ ഓഫറുമായി ബ്രഹ്മാസ്ത്ര ചിത്രത്തിന്റെ അണിയറ പ്രവർത്തകർ. ബോക്‌സ് ഓഫീസിൽ ഒരാഴ്ച കൊണ്ട് 300 കോടി നേടിയ ചിത്രമാണ് ബ്രഹ്മാസ്ത്ര. നവരാത്രിയോടനുബന്ധിച്ച് സെപ്റ്റംബർ 26 മുതൽ 29 വരെ ചിത്രത്തിന്റെ ടിക്കറ്റ് 100 രൂപയ്‌ക്ക് ലഭിക്കുമെന്ന് അണിയറ പ്രവർത്തകർ അറിയിച്ചു. ജിഎസ്ടി ഉൾപ്പെടാതെയാണ് 100 രൂപ നിരക്ക്.
https://twitter.com/karanjohar/status/1573965950092660736?ref_src=twsrc%5Etfw%7Ctwcamp%5Etweetembed%7Ctwterm%5E1573965950092660736%7Ctwgr%5Ebcc3d2d8b9296aa510db590ca611dd6f2fbc5eb5%7Ctwcon%5Es1_c10&ref_url=https%3A%2F%2Fstatic.asianetnews.com%2Ftwitter-iframe%2Fshow.html%3Furl%3Dhttps%3A%2F%2Ftwitter.com%2Fkaranjohar%2Fstatus%2F1573965950092660736%3Fref_src%3Dtwsrc5Etfw
തുടർച്ചയായി പരാജയം നേരിട്ടുകൊണ്ടിരുന്ന ബോളിവുഡിൽ മികച്ച തിരിച്ചുവരവ് നടത്തിയ ചിത്രമാണ് ബ്രഹ്മാസ്ത്ര. ഇന്ത്യൻ പുരാണങ്ങളുമായി ബന്ധപ്പെട്ട വിവിധ അസ്ത്രങ്ങളുടെ സങ്കൽപ്പങ്ങളെ അധികരിച്ച് അയൻ മുഖർജി സൃഷ്ടിക്കുന്ന സിനിമാ സീ് അസ്ത്രാവേഴ്‌സ്. ഇതിന്റെ ആദ്യ ഭാഗമാണ് ബ്രഹ്മാസ്ത്ര. ഫാന്റസി ആക്ഷൻ അഡ്വഞ്ചർ വിഭാഗത്തിൽ പെടുന്ന ചിത്രത്തിൽ രൺബീർ കപൂർ ആണ് നായകൻ. അലിയ ഭട്ട് ആണ് നായിക. ചിത്രത്തിന്റെ പത്തുദിവസത്തെ നേട്ടം 360 കോടി രൂപ ആയിരുന്നു.
ദേശീയ ചലച്ചിത്ര ദിനമായിരുന്ന 23-ാം തീയതി പല സംസ്ഥാനങ്ങളിലും 75 രൂപ നിരക്കിൽ ടിക്കറ്റ് അനുവദിച്ചിരുന്നു. കാണികളെ വലിയ തോതിൽ തിയറ്ററുകളിലേക്ക് ആകർഷിക്കാൻ ഈ ഓഫർ മൂലം തിയറ്റർ ഉടമകൾക്ക് സാധിച്ചിരുന്നു. അതേസമയം കേരളമുൾപ്പെടെ പല സംസ്ഥാനങ്ങളിലും ഈ ഓഫർ ലഭ്യമായിരുന്നില്ല.
