ചെന്നൈ: നായകൻ സഞ്ജു സാംസണിന്റെ അർദ്ധ സെഞ്ച്വറി മികവിൽ ന്യൂസിലാന്റ് എ ടീമിനെതിരെ ഇന്ത്യ എ നിശ്ചിത അമ്പതോവറിൽ 284 റൺസ് നേടി. 285 റൺസ് വിജയ ലക്ഷ്യം പിന്തുടരുന്ന സന്ദർശകർക്ക് 19-ാം ഓവറിൽ 83 റൺസ് എടുക്കുന്നതിനിടെ 3 വിക്കറ്റുകൾ നഷ്ടമായി.
മറുപടി ബാറ്റിംഗിൽ ന്യൂസിലാന്റിന്റെ ഓപ്പണർ ചാഡ് ബൗസ്(20), രച്ചിൻ രവീന്ദ്ര(2), മാർക്ക് ചാപ്മാൻ(11) എന്നിവരാണ് പുറത്തായത്. രാഹുൽ ചാഹറിന് രണ്ട് വിക്കറ്റുകലും രാജ് ബാവ ഒരു വിക്കറ്റും നേടി.
ഇന്ത്യ എ ടീം സ്ഥിരതയാർന്ന പ്രകടനമാണ് ഓപ്പണിംഗ് കൂട്ടുകെട്ടിൽ നടത്തിയത്. അഭിമന്യു 39 റൺസും രാഹുൽ ത്രിപാഠി 18 റൺസുമെടുത്ത് പുറത്തായി. എന്നാൽ രണ്ടാം വിക്കറ്റിലും മൂന്നാം വിക്കറ്റിലുമായി 109 റൺസിന്റെ കൂട്ടുകെട്ടുമായി സഞ്ജുവും(54) തിലക് വർമ്മയും(50) ശക്തമായ പോരാട്ടമാണ് നടത്തിയത്.
മധ്യനിരയിൽ ഋഷി ധവാൻ(34) എടുത്തപ്പോൾ ഷാർദ്ദൂൽ ഠാക്കൂർ 51 റൺസ് അതിവേഗം നേടിക്കൊണ്ട് ടീമിനെ 284ലേയ്‌ക്ക് എത്തിച്ചാണ് മടങ്ങിയത്. ന്യൂസിലാന്റിനായി ജേക്കബ് ഡഫിയും മാത്യു ഫിഷറും രണ്ടു വിക്കറ്റുകൾ വീതം വീഴ്‌ത്തി.
Comments