കാറുമായി കൂട്ടിയിടിച്ച് ട്രാക്ടർ തകർന്നെന്ന് കേട്ടാൽ നിങ്ങൾ വിശ്വസിക്കുമോ. എങ്കിൽ സംഭവം സത്യമാണ്. ആന്ധ്രാപ്രദേശിലെ തിരുപ്പതിക്ക് സമീപമുണ്ടായ അപകടത്തിലാണ് ട്രാക്ടർ തകർന്നു തരിപ്പണമായത്. മെഴ്സിഡസ് ബെൻസും ട്രാക്ടറുമാണ് കൂട്ടിയിടിച്ചത്. അപകടത്തിൽ ട്രാക്ടർ രണ്ടായി പിളർന്നു. അപകടത്തിൽ ദൃശ്യങ്ങൾ സമൂഹമാദ്ധ്യമങ്ങളിൽ വ്യാപകമായി പ്രചരിക്കുന്നുണ്ട്.
തിരുപ്പതിക്ക് സമീപത്ത് ചന്ദ്രഗിരി ബൈപ്പാസിലാണ് അപകടമുണ്ടായത്. മണൽ ലോഡുമായി വരികയായിരുന്ന ട്രാക്ടർ നിയന്ത്രണം വിട്ട് ബെൻസ് കാറിൽ ഇടിക്കുകയായിരുന്നു. ഇടിയുടെ ആഘാതത്തിൽ ബെൻസ് തകർന്ന് രണ്ട് കഷണമായി. അപകടത്തിന്റെ ധാരാളം ചിത്രങ്ങളും പുറത്ത് വന്നിട്ടുണ്ട്.
ചിത്രത്തിൽ പകുതിയായി പിളർന്ന് കിടക്കുന്ന ട്രാക്ടർ കാണാനാകും. കറുത്ത നിറത്തിലുള്ള മെഴ്സിഡൻസ് ബെൻസും സമീപത്തായി കിടക്കുന്നുണ്ട്. കാറിന്റെ ഇടതുവശം ചെറുതായി തകർന്നിട്ടുണ്ട്. ട്രാക്ടറിന്റെ മുൻഭാഗം തകർന്നുവെന്നും ഡ്രൈവർക്ക് ഗുരുതരമായി പരിക്കേറ്റുവെന്നും റിപ്പോർട്ടുകൾ വ്യക്തമാക്കുന്നു. ഇയാളെ സമീപത്തെ ആശുപത്രിയിൽ പ്രവേശിപ്പിച്ചിരിക്കുകയാണ്. തിരുപ്പതിയിൽ നിന്ന് വരികയായിരുന്നു കാർ. കാറിലെ യാത്രക്കാർക്ക് ആർക്കും പരിക്കില്ലെന്നാണ് വിവരം. ട്രാക്ടർ തെറ്റായ ദിശയിലാണ് വന്നതെന്ന് പ്രാഥമിക അന്വേഷണത്തിൽ കണ്ടെത്തി.
Comments