നെല്ലിൽ നിന്നാണ് അവൽ അഥവാ അവിൽ ഉണ്ടാക്കുന്നത്. ധാരാളം ഔഷധഗുണങ്ങളുള്ള ഒന്നാണ് അവൽ. കുട്ടികൾ മുതൽ മുതിർന്നവർക്ക് വരെ ഏറെ പ്രിയപ്പെട്ടതാണ് അവൽ വിളയിച്ചതും, അവൽ കൊണ്ട് ഉണ്ടാക്കുന്ന പലഹാരങ്ങളും. സ്വാദിഷ്ടമാണ് എന്നതിനപ്പുറം ആരോഗ്യ ഗുണങ്ങൾ കൊണ്ടും സമ്പുഷ്ടമാണ് ഇത്. എല്ലിനും പല്ലിനും ബലം നൽകുന്ന പോഷകങ്ങൾ അവലിൽ അടങ്ങിയിട്ടുണ്ട്. അതുകൊണ്ട് തന്നെ അവൽ പ്രായമായവരും കുട്ടികളും കഴിക്കുന്നത് ഒരു പോലെ നല്ലതാണ്.
ഫൈബറിന്റെ കലവറയാണ് അവൽ. ശരീരത്തിലെ മാലിന്യങ്ങളെ ദിവസവും ഇളക്കി കളയാൻ അവലിന് സാധിക്കും. കുടലിലെ ക്യാൻസർ പോലുള്ള ഗുരുതരമായ പ്രശ്നങ്ങളെ അകറ്റാനും അവലിന് കഴിവുണ്ട്. പ്രഭാതഭക്ഷണത്തിൽ അവൽ ഉൾപ്പെടുത്തിയാൽ സ്ട്രോക്കിനുള്ള സാധ്യത ഒഴിവാക്കാം. ഇതിലടങ്ങയിരിക്കുന്ന ഫൈബർ കാർഡിയോവാസ്ക്യുലാർ രോഗത്തെ തടയുന്നു. ഫൈബർ ധാരാളം അടങ്ങിയിട്ടുള്ളതു കൊണ്ട് തന്നെ വയറ്റിലെ പ്രശ്നങ്ങൾക്കും മികച്ച ഭക്ഷണമാണിത്. മലബന്ധം കൊണ്ട് കഷ്ടപ്പെടുന്നവർ അവൽ കഴിക്കുന്നത് നല്ലതാണ്. രക്തത്തിലെ പഞ്ചസാരയുടെ അളവ് നിയന്ത്രിക്കാൻ അവലിന് കഴിയും. അതുപോലെ വൈറ്റമിൻസിന്റേയും മിനറൽസിന്റേയും കലവറയാണിത്. വൈറ്റമിൻ എ, ബി1, ബി2, ബി3, ബി6, ഡി, ഇ എന്നിവയും അയൺ, കാത്സ്യം, ഫോസ്ഫറസ്, സിങ്ക്, കോപ്പർ, മഗ്നീഷ്യം എന്നിവയും ഇതിൽ അടങ്ങിയിരിക്കുന്നു. അൽഷിമേഴ്സ് വരാനുള്ള സാധ്യത കുറയ്ക്കാനും അവൽ സഹായിക്കും.
അവൽ പോലെ തന്നെ ആരോഗ്യ ഗുണങ്ങളാൽ സമ്പുഷ്ടമാണ് മലരും. മലര് ഇട്ട് തിളപ്പിച്ച വെള്ളം ആയുർവേദ വിധി പ്രകാരം പല രോഗങ്ങൾക്കുമുള്ള മരുന്നാണ്. കാർബോ ഹൈഡ്രേറ്റുകൾ, കാത്സ്യം, പ്രോട്ടീൻ, മഗ്നീഷ്യം, അയൺ, ഫൈബർ എന്നിവ ധാരാളമായി മലരിൽ അടങ്ങിയിട്ടുണ്ട്. പ്രമേഹ രോഗികൾക്കും അമിത കൊളസ്ട്രോൾ ഉള്ളവർക്കും മലരിട്ട് തിളിപ്പിച്ച വെള്ളം കുടിക്കാം. ക്ഷീണത്തിന് ഏറ്റവും മികച്ച പരിഹാരമാണ് മലരിട്ട് തിളപ്പിച്ച വെള്ളം. കരിക്കിൻ വെള്ളത്തിന് പകരമായി ഇത് കണക്കാക്കാറുണ്ട്. വയറിനുള്ള അസ്വസ്ഥതകൾ മാറ്റി ശരീരം തണുപ്പിക്കാൻ മലര് വെള്ളം സഹായിക്കും. പ്രതിരോധ ശേഷി വർദ്ധിപ്പിക്കുന്നു. അതേപോലെ വാർദ്ധക്യത്തെ അകറ്റി നിർത്താൻ ഏറ്റവും നല്ല പ്രതിവിധിയാണിത്. ഗർഭകാലത്തെ ഛർദ്ദിക്ക് നല്ല പരിഹാരമാണിത്. എല്ലിന്റേയും പല്ലിന്റേയും ആരോഗ്യത്തിന് ഉത്തമമാണ് അവൽ. ആന്റിഓക്സിഡന്റുകൾ ധാരാളം ഇതിൽ അടങ്ങിയിരിക്കുന്നു. മുഖക്കുരു പോലെയുള്ള ചർമ പ്രശ്നങ്ങൾക്കും അവൽ പരിഹാരമാണ്.
സ്വാദിഷ്ടമായ അവൽ വിളയിച്ചത് എങ്ങനെയെന്ന് നോക്കാം
പാനിൽ അൽപ്പം നെയ്യ് ചൂടാക്കി തേങ്ങാക്കൊത്ത്, എള്ള്, പൊരികടല എന്നിവ ചൂടാക്കി മാറ്റി വയ്ക്കുക. ഇനി മറ്റൊരു ഉരുളി എടുത്ത് ശർക്കരപ്പാനി ഒഴിച്ച് തിളപ്പിക്കുക. ഇത് വെട്ടിത്തിളയ്ക്കുമ്പോൾ അൽപ്പം തേങ്ങ ചിരകിയത് ഇട്ട് തുടരെ ഇളക്കണം. തേങ്ങയിലെ വെള്ളം വറ്റി പാനി നൂൽ പരുവമാകുമ്പോൾ ഉരുളി വാങ്ങി വയ്ക്കുക. ഇതിലേക്ക് അവൽ ചേർത്ത് ഇളക്കുക. നന്നായി യോജിപ്പിച്ച ശേഷം ഇതിൽ ഏലയ്ക്കാപ്പൊടിയും നെയ്യിൽ മൂപ്പിച്ച ചേരുവകളും ചേർത്ത് ഇളക്കുക. ഇതിലേക്ക് ചെറുപഴം കൂടി അരിഞ്ഞ് ചേർത്ത് കഴിക്കാവുന്നതാണ്.
പോപ്പുലർ ഫ്രണ്ടിന്റെ അടിവേരറുത്ത ബുദ്ധികേന്ദ്രം; പുറംലോകമറിയാതെ കൃത്യമായ ആസൂത്രണം നടത്തി അജിത് ഡോവൽ
Comments