തിരുവനന്തപുരം : സ്വർണ്ണ വില വീണ്ടും വർദ്ധിച്ചു. രണ്ട് ദിവസത്തെ ഇടവേളക്ക് ശേഷമാണ് വില വീണ്ടും വർദ്ധിക്കുന്നത്. ഗ്രാമിന് 60 രൂപ വർദ്ധിച്ച് 4,640 രൂപയും പവന് 480 രൂപ വർദ്ധിച്ച് 37,120 രൂപയുമാണ് ഇന്നത്തെവില.
രാജ്യാന്തര വിപണിയിൽ അമേരിക്കൻ ബോണ്ട് യീൽഡ് മുന്നേറ്റം നിയന്ത്രിതമായത് ഇന്നലെ സ്വർണത്തിനും മുന്നേറ്റം നൽകി. 4% കടന്ന് 2008ന് ശേഷമുള്ള ഏറ്റവും ഉയർന്ന നിരക്കിലെത്തിയ അമേരിക്കൻ 10 വർഷ ബോണ്ട് യീൽഡ് വീണത് സ്വർണത്തിനും ഓഹരിവിപണിക്കും നേട്ടമായി. രാജ്യാന്തര സ്വർണ വില 1660 ഡോളറിലേക്കെത്തിയിരുന്നു.
ഈ മാസത്തെ ഏറ്റവും കൂടിയ വില സെപ്റ്റംബർ 6 ന് രേഖപ്പെടുത്തിയ ഗ്രാമിന് 4,690 രൂപയും പവന് 37,520 രൂപയുമാണ്. ഈ മാസത്തെ ഏറ്റവും കുറഞ്ഞ വില രേഖപ്പെടുത്തിയത് ബുധനാഴ്ചയാണ്. ഗ്രാമിന് 4,580 രൂപയും പവന് 36,640 രൂപയുമായിരുന്നു അന്നത്തെ വില.
