ലണ്ടൻ : വിരാട് കോഹ്ലിയുടെ ആശംസകൾക്ക് മറുപടിയുമായി ലോക ടെന്നീസ് ഇതിഹാസം റോജർ ഫെഡറർ. കഴിഞ്ഞ ദിവസമാണ് ലണ്ടനിലെ ലാവേർ കപ്പിലെ മത്സരത്തോടെ റോജർ ഫെഡറർ അന്താരാഷ്ട്ര ടെന്നീസിൽ നിന്ന് ഔദ്യോഗികമായി പിന്മാറിയത്. ഇന്ത്യൻ ആരാധകരുടെ സ്നേഹം ഏറ്റുവാങ്ങാൻ ഇന്ത്യയിലേയ്ക്ക് എത്താൻ വൈകിലെന്നാണ് ഫെഡററുടെ മറുപടി.
ടെന്നീസിനപ്പുറം അതിവിപുലമായ ആരാധക വൃന്ദമുള്ള റോജർ ഫെഡറർക്ക് എല്ലാ പ്രമുഖ കായിക താരങ്ങളും ആശംസകൾ നേർന്നു. അതിനൊപ്പമാണ് കോഹ്ലിയും ഭാര്യ അനുഷ്കയും വീഡിയോ സന്ദേശത്തിലൂടെ ആശംസകൾ നേർന്നത്. അതിനാണ് റോജർ ഫെഡറർ മറുപടി വീഡിയോ ഇട്ടത്.
നദാലും, ജോക്കോവിച്ചും ആൻഡി മറേയും സിറ്റ്സിപാസുമാടക്കം നിരവധി ലോകതാര ങ്ങൾ പങ്കെടുത്ത ലാവേർ കപ്പിൽ തികച്ചും വികാര നിർഭരമായ യാത്രയയപ്പാണ് . ഫെഡറർക്ക് ലഭിച്ചത്.
ഹലോ റോജർ, താങ്കളുടെ ടെന്നീസ് കരിയറിലെ നിർണ്ണായക ഘട്ടത്തിൽ ഇതുപോലൊരു ആശംസാ സന്ദേശം അയയ്ക്കാൻ സാധിച്ചത് വലിയ ഭാഗ്യമായി താൻ കരുതുന്നു. ടെന്നീസിലൂടെ ലോകകായിക രംഗത്തിന് താങ്കൾ നൽകിയ സംഭാവന വിലപ്പെട്ടതാണ്. 2018ൽ ഓസ്ട്രേലിയൻ ഓപ്പണിന്റെ സമയത്താണ് വ്യക്തിപരമായി എനിക്ക് താങ്കളെ കാണാൻ സാധിച്ചത്.
ആ പരിചയം ഇന്നും കാത്തുസൂക്ഷിക്കുന്ന താങ്കളുടെ ജീവിതത്തിലെ ഈ മുഹൂർത്തം എന്നും ഓർമ്മയിൽ നിൽക്കും. ലോകത്തെ ഏത് കായിക രംഗത്തിന്റെ ആരാധകരും താങ്കളുടെ ഒരു മത്സരം ഉണ്ടെങ്കിൽ അത് വിട്ടുകളയാറില്ലെന്നത് അപൂർവ്വ ബഹുമതിയാണെന്നും കോഹ്ലി ഇൻസ്റ്റാഗാം വീഡിയോയിലൂടെ അറിയിച്ചു.
