പറ്റ്ന: പോപ്പുലർ ഫ്രണ്ടിനെ നിരോധിച്ച കേന്ദ്രസർക്കാർ നടപടിയ്ക്കെതിരെ എഐഎംഐഎം എംഎൽഎ. പോപ്പുലർ ഫ്രണ്ടിനെ നിരോധിച്ചത് ശരിയായില്ലെന്ന് എംഎൽഎ അക്തറുൾ ഇമാം പറഞ്ഞു. സംഘടന എന്ത് തെറ്റാണ് ചെയ്തതെന്നും ഇമാം ചോദിച്ചു.
താനും ഒരു നിയമസഭാ സമാജികനാണ്. സമൂഹ്യ സേവനത്തിന് വേണ്ടി എല്ലായ്പ്പോഴും നിലനിന്നിട്ടുള്ള സംഘടനയാണ് പോപ്പുലർ ഫ്രണ്ട്. ഇത്തരം ഒരു സംഘടനയെ നിരോധിച്ചതിന് പിന്നിൽ രാഷ്ട്രീയ വൈരാഗ്യമാണ്. ഇത് ഒട്ടും ശരിയായില്ല. ഒരു മികച്ച രാഷ്ട്രീയ സംഘടനയാണ് പോപ്പുലർ ഫ്രണ്ട് എന്നും അദ്ദേഹം അഭിപ്രായപ്പെട്ടു.
എന്താണ് പോപ്പുലർ ഫ്രണ്ട് ചെയ്ത കുറ്റമെന്ന് വ്യക്തമാക്കാൻ ഇതുവരെ കേന്ദ്രത്തിന് കഴിഞ്ഞിട്ടില്ല. ഈ സാഹചര്യത്തിൽ എന്തിന്റെ പേരിലാണ് സംഘടനയെ നിരോധിച്ചത്. ഇക്കാര്യം കേന്ദ്രം വ്യക്തമാക്കണമെന്നും ഇമാം കൂട്ടിച്ചേർത്തു.
നേരത്തെ പോപ്പുലർ ഫ്രണ്ടിന്റെ നിരോധനത്തെ എതിർത്ത് എഐഎംഐഎം അദ്ധ്യക്ഷൻ അസദുദ്ദീൻ ഒവൈസി രംഗത്ത് എത്തിയിരുന്നു. ഇതിന് പിന്നാലെയാണ് സമാന അഭിപ്രായവുമായി ഇമാമും രംഗത്ത് വരുന്നത്.
Comments