ന്യൂഡൽഹി: 5ജിയിലേക്ക് മാറി ഇന്ത്യ. രാജ്യത്തെ 5ജി സേവനങ്ങളുടെ ഔദ്യോഗിക ഉദ്ഘാടനം പ്രധാനമന്ത്രി നിർവഹിച്ചു. ഡൽഹിയിലെ പ്രഗതി മൈതാനിയിൽ നടന്ന ഇന്ത്യൻ മൊബൈൽ കോൺഗ്രസിന്റെ ആറാം പതിപ്പിലാണ് 5ജി ഉദ്ഘാടന ചടങ്ങുകൾ നടന്നത്. വരുന്ന മൂന്ന് വർഷത്തോടെ രാജ്യം മുഴുവൻ 5ജിയിലേക്ക മാറുമെന്ന് ഉദ്ഘാടനചടങ്ങിൽ പ്രധാനമന്ത്രി വ്യക്തമാക്കി.
ആദ്യ ഘട്ടത്തിൽ തിരഞ്ഞെടുത്ത നഗരങ്ങളിലാകും 5ജി സേവനങ്ങൾ ലഭ്യമാക്കുക. ഡൽഹി, മുംബൈ, ചെന്നൈ, കൊൽക്കത്ത എന്നിവിടങ്ങളിലാണ് 5ജി ആദ്യമെത്തുക. കേരളത്തിൽ അടുത്ത വർഷത്തോടെ 5ജി സേവനങ്ങൾ ലഭ്യമാക്കുമെന്നും പ്രധാനമന്ത്രി അറിയിച്ചു.
വിവിധ ടെലികോം കമ്പനി മേധാവികൾ ചടങ്ങിൽ പങ്കെടുത്തു. റിലയൻസ് ജിയോ മേധാവി ആകാശ് അംബാനി, എയർടെൽ മേധാവി ഗോപാൽ വിറ്റൽ, വോഡാഫോൺ-ഐഡിയ മേധാവി അക്ഷയ മൂന്ദ്ര എന്നിവരുടെ സാന്നിധ്യം വേദിയിലുണ്ടായിരുന്നു. എയർടെല്ലും റിയലൻസ് ജിയോയും ഈ വർഷം തന്നെ 5ജി യാഥാർത്ഥ്യമാക്കുമെന്ന് അറിയിച്ചു.
#WATCH | PM Modi inspects an exhibition at Pragati Maidan where he will inaugurate the sixth edition of the Indian Mobile Congress (IMC) and launch 5G services shortly.
Chairman of Reliance Jio, Akash Ambani briefs the PM on the shortly-to-be-launched 5G services.
(Source: DD) pic.twitter.com/tjF0RWfZV9
— ANI (@ANI) October 1, 2022
ഉപയോക്താക്കൾക്ക് തടസ്സമില്ലാത്ത കവറേജും മികച്ച ആശയവിനിമയ സംവിധാനങ്ങളും നൽകുന്ന 5ജി സേവനങ്ങൾ ഘട്ടം ഘട്ടമായാകും നടപ്പാക്കുക. 4 ജിയെക്കാൾ 100 മടങ്ങ് വേഗതയാകും 5 ജിക്ക് ഉണ്ടാകുക. അതിനാൽ ബഫറിംഗ് ഇല്ലാതെ വീഡിയോകൾ കാണാനും വേഗത്തിൽ കണ്ടന്റുകൾ ഡൗൺലോഡ് ചെയ്യാനും സാധിക്കും.
4 ജി സിമ്മിന് 5ജി ഫോണുകളിൽ പ്രവർത്തിക്കാൻ കഴിയും. എന്നാൽ പൂർണ്ണമായി 5ജി ഇന്റർനെറ്റ് വേഗത ലഭിക്കണമെന്നില്ല. പൂർണ്ണമായി 5ജി സേവനങ്ങൾ ലഭിക്കാൻ 5ജി സിം 5ജി ഫോണിൽ തന്നെ ഉപയോഗിക്കണമെന്ന് വിവിധ ടെലികോം കമ്പനികൾ സൂചിപ്പിച്ചു.
Comments