തിരുവനന്തപുരം : സംസ്ഥാനത്ത് വീണ്ടും സ്വർണവില കുതിച്ചുയരുന്നു. ഒരു പവൻ സ്വർണത്തിന് 400 രൂപ വർദ്ധിച്ചു. നിലവിൽ 37,880 രൂപയാണ് വിപണിയിലെ വില.
തുടർച്ചയായി രണ്ടാം ദിവസമാണ് സംസ്ഥാനത്ത് സ്വർണവില ഉയരുന്നത്. ഇന്നലെ 280 രൂപ വർദ്ധിച്ചിരുന്നു. ഇതോടെ രണ്ട് ദിവസംകൊണ്ട് 680 രൂപയാണ് ഉയർന്നത്. ഒരു ഗ്രാം സ്വർണത്തിന് 50 രൂപയും ഉയർന്നിട്ടുണ്ട്. ഇതോടെ വിപണിയിൽ വില 4735 രൂപയായി. ഇന്നലെ 35 രൂപ ഉയർന്നിരുന്നു.
സംസ്ഥാനത്ത് വെള്ളിയുടെ വിലയും ഉയർന്നിട്ടുണ്ട്. ഒരു ഗ്രാം വെള്ളിയുടെ വില നാല് രൂപയാണ് ഉയർന്നത്. ഇതോടെ വിപണിയിൽ വെള്ളിയുടെ വില 64 രൂപയായി. ഹാൾമാർക്ക് വെള്ളിയുടെ വിലയിൽ മാറ്റമില്ലാതെ തുടരുന്നുണ്ട്. ഒരു ഗ്രാം ഹാൾമാർക്ക് വെള്ളിയുടെ വില 90 രൂപയാണ്.
