ഇടുക്കി: മൂന്നാറിൽ വീണ്ടും കടുവയുടെ അക്രമണം. മേയാൻ വിട്ട പശുവിനെ അക്രമിച്ചു കടലാർ ഈസ്റ്റ് ഡിവിഷനിലാണ് അക്രമം നടന്നത്.
ഉച്ചയോടെയായിരുന്നു സംഭവം. പ്രദേശവാസിയായ വേലായുധന്റെ പശുക്കൾക്ക് നേരെയാണ് ആക്രമണം ഉണ്ടായത്. നെയമ കാടിന് 6 കിലോമീറ്റർ അകലെവെച്ചായിരുന്നു പശുക്കൾക്ക് നേരെ ആക്രമണം ഉണ്ടായത്. ആക്രമണത്തിൽ പശുവിന്റെ കാലിന് ഗുരുതരമായി പരിക്കേറ്റു. മറ്റ് പശുക്കളെയും ആക്രമിക്കാൻ കടുവ ശ്രമം നടത്തിയെങ്കിലും വേലായുധൻ കല്ലെടുത്ത് എറിഞ്ഞ് ഓടിക്കുകയായിരുന്നു. സംഭവത്തിന് പിന്നാലെ കാലാർ ഈസ്റ്റ് ഡിവിഷനിൽ കൂടു വെക്കുമെന്ന് വനം വകുപ്പ് അറിയിച്ചു.
കഴിഞ്ഞ ദിവസവും പ്രദേശത്തെ പശുക്കളെ കടുവ ആക്രമിച്ചിരുന്നു. പത്ത് പശുക്കളെയായിരുന്നു ആക്രമിച്ചത്. ഇതിന്റെ പശ്ചാത്തലത്തിൽ രാജമല നിവാസികൾക്ക് ജാഗ്രതാ നിർദ്ദേശം പുറപ്പെടുവിച്ചിട്ടുണ്ട്. കടുവയുടെ ആക്രമണം ഉണ്ടാകാൻ സാദ്ധ്യതയുള്ളതിനാൽ അനാവശ്യമായി വീടിന് പുറത്ത് ഇറങ്ങരുത് എന്നാണ് നിർദ്ദേശം.
