അഭിനയ ജീവിതത്തിൽ നിന്ന് വിരമിക്കൽ പ്രഖ്യാപിച്ച് ക്രിസ്റ്റ്യൻ ബെയ്ൽ. അഭിനയത്തിന് പുറമേ താൻ പിന്തുടരാൻ ആഗ്രഹിക്കുന്ന നിരവധി കാര്യങ്ങൾ ഉണ്ട്. അവ മാറ്റിവച്ച് മറ്റൊരാളായി ജീവിക്കാൻ താൻ ആഗ്രഹിക്കുന്നില്ലെന്നും അദ്ദേഹം പറഞ്ഞു.
തന്റെ അഭിനയ ജീവിതം അവസാനിപ്പിക്കാൻ സമയം ആയിരിക്കുന്നു. സിനിമയുമായി യാതൊരു ബന്ധവും ഇല്ലാത്ത കാര്യം ചെയ്യാൻ താൻ ആഗ്രഹിക്കുന്നു. മറ്റൊരാളായി വസ്ത്രം ചെയ്യാതെയും , അഭിനയിക്കാതെയും ജീവിക്കണം. തന്റെ കുടുംബത്തെ നോക്കുന്നതിനായും ആരോഗ്യ പ്രശ്നങ്ങൾ ഉള്ളതു കൊണ്ടുമാണ് ഇത്രയും നാൾ സിനമയിൽ നിലനിന്നത്. സിനിമയോട് എന്നും ബന്ധം ഉണ്ടാകുമെന്നും അദ്ദേഹം കൂട്ടിച്ചേർത്തു.
ദി ഡാർക്ക് നൈറ്റ്, ബാറ്റ്മാൻ ബിഗിൻസ് തുടങ്ങിയ ഹിറ്റ് ചിത്രങ്ങളിലൂടെയാണ് ബെയ്ൽ പ്രേക്ഷക ശ്രദ്ധ നേടുന്നത്. തന്റെ 13 -ാം വയസ്സിലാണ് അഭിനയ ജീവിതത്തിലേക്ക് അദ്ദേഹം കടന്ന് വന്നത്. സ്റ്റീവൻ സ്പിൽബെർഗിന്റെ 1987-ലെ യുദ്ധചിത്രമായ എംപയർ ഓഫ് ദി സണ്ണിലൂടെയാണ് ഈ മേഖലയിൽ ചുവട് ഉറപ്പിച്ചത്. ഇവയ്ക്ക് പുറമെ അമേരിക്കൻ സൈക്കോ എന്ന ബ്ലാക്ക് കോമഡിയിലെ സീരിയൽ കില്ലർ പാട്രിക് ബേറ്റ്മാനും സൈക്കോളജിക്കൽ ത്രില്ലറായ ദി മെഷിനിസ്റ്റിലെ ടൈറ്റിൽ ഭാഗവും അദ്ദേഹത്തെ കൂടുതൽ ജനശ്രദ്ധ നേടുന്നതിന് സഹായിച്ചു .
2005 ലാണ് ബാറ്റ്മാൻ ബിഗിൻസ് എന്ന സിനിമയിൽ അദ്ദേഹം ബാറ്റ്മാനെ അവതരിപ്പിച്ചത്. തുടർന്ന് ദി ഡാർക്ക് നൈറ്റ് , ദ ഡാർക്ക് നൈറ്റ് റൈസസ് എന്നിവയിൽ വീണ്ടും വേഷം ചെയ്തു. ഈ സിനിമകളിലെ അഭിനയത്തിന് ലോകമെമ്പാടുമുള്ള ജനങ്ങളിൽ നിന്ന് അദ്ദേഹത്തിന് പ്രശംസയും ലഭിച്ചിരുന്നു.
Comments