രസകരമായ ചിത്രങ്ങളും വീഡിയോകളും പങ്കുവെച്ചുകൊണ്ട് സമൂഹമാദ്ധ്യമങ്ങളിൽ സജീവമായി നിൽക്കുന്ന പ്രമുഖ വ്യവസായിയാണ് ആനന്ദ് മഹീന്ദ്ര. ചിരിപ്പിക്കുകയും ചിന്തിപ്പിക്കുകയും ചെയ്യുന്ന വിഷയങ്ങളെപ്പറ്റിയുള്ള പോസ്റ്റുകളാണ് അദ്ദേഹം സോഷ്യൽ മീഡിയയിൽ പങ്കുവെയ്ക്കാറുളളത്. എന്നാൽ ഇന്ന് അദ്ദേഹമെത്തിയത് ഒരു ചോദ്യവുമായാണ്. അതിന് ശരിയുത്തരം നൽകിയാൽ പ്രതിഫലവും ലഭിക്കും.
റോഡിലൂടെ ട്രാക്ടർ ഓടിക്കുന്ന ആളുകളുടെ വീഡിയോയാണിത്. വാഹനത്തിന് പിന്നിൽ കെട്ടിവലിച്ചുകൊണ്ട് ബോട്ടും മറ്റും കൊണ്ടുപോകുന്നതും കാണാനാകും. മൂന്ന് ട്രാക്ടറുകളാണ് വീഡിയോയിലുള്ളത്. മഹീന്ദ്ര കമ്പനിയുടേത് തന്നെയാണ് ട്രാക്ടർ. എന്നാൽ ഈ ദൃശ്യങ്ങൾ ഏത് രാജ്യത്ത് നിന്നുള്ളതാണ് എന്നാണ് ആനന്ദ് മഹീന്ദ്രയുടെ ചോദ്യം.
These are Mahindra Tractors of course, but which country is this? I’ll send the first person with the right answer a scale model tractor shown in the accompanying pic. pic.twitter.com/TkA1Y5AlwD
— anand mahindra (@anandmahindra) October 12, 2022
ശരിയുത്തരം പറയുന്ന ആദ്യ വ്യക്തിക്ക് താൻ ട്രാക്ടർ സമ്മാനമായി നൽകുമെന്നും ആനന്ദ് മഹീന്ദ്ര വാഗ്ദാനം ചെയ്യുന്നുണ്ട്. വീഡിയോയ്ക്കൊപ്പം രണ്ട് ട്രാക്ടർ മോഡലുകളുടെ ഫോട്ടോയും ആനന്ദ് മഹീന്ദ്ര പങ്കുവെച്ചിട്ടുണ്ട്.
വീഡിയോ വൈറലായതോടെ പ്രതികരണവുമായി നിരവധി പേർ രംഗത്തുണ്ട്. ചിലരിത് ബ്രസീലിൽ നിന്നുള്ള ദൃശ്യമാണെന്ന് പറയുന്നു. എന്നാൽ ചിലർ ജർമനിയിലേതാണെന്ന് വാദിക്കുന്നു. മാലിയിൽ നിന്നുള്ള വീഡിയോയാണ് ഇതെന്നും ചിലർ പ്രസ്താവിക്കുന്നുണ്ട്. എന്തായാലും ശരിയുത്തരം എന്താണെന്ന് തിരഞ്ഞുകൊണ്ടിരിക്കുകയാണ് ആളുകൾ.
Comments