ഓടുന്ന ട്രെയിനിന് പിന്നാലെയോടി യാത്രക്കാരനെ രക്ഷിച്ചു; ആർപിഎഫ് ഉദ്യോഗസ്ഥന്റെ ധീരതയെ പ്രശംസിച്ച് സോഷ്യൽ മീഡിയ; വീഡിയോ വൈറൽ

ഓടുന്ന ട്രെയിനിന് പിന്നാലെയോടി യാത്രക്കാരനെ രക്ഷിക്കുന്ന ആർപിഎഫ് ഉദ്യോഗസ്ഥന്റെ വീഡിയോയാണ് ഇപ്പോൾ സമൂഹമാദ്ധ്യമങ്ങളിൽ ശ്രദ്ധ നേടുന്നത്. ട്രെയിനിനും പ്ലാറ്റ്‌ഫോമിനും ഇടയിൽ കുടുങ്ങിപ്പോയ യാത്രക്കാരനെ അതിസാഹസികമായാണ് ഉദ്യോഗസ്ഥൻ രക്ഷിച്ചത്.

ഇന്നലെയായിരുന്നു സംഭവം. പുഷ്പ എക്‌സ്പ്രസിലാണ് അപകടമുണ്ടായത്. പ്ലാറ്റ്‌ഫോമിലേക്ക് എത്തിയ ട്രെയിനിൽ കയറാൻ ശ്രമിച്ചുകൊണ്ടായിരുന്നു ഇയാളുടെ സാഹസിക പ്രകടനം. എന്നാൽ കാൽ വഴുതി പ്ലാറ്റ്‌ഫോമിനും ട്രെയിനിനും ഇടയിൽ തൂങ്ങിക്കിടന്ന് ഇയാൾ അൽപദൂരം മുന്നോട്ട് പോയി. ഇത് കണ്ട് ഓടിവന്ന ആർപിഎഫ് ഉദ്യോഗസ്ഥനായ വിശാൽ കുമാർ ഇയാളെ രക്ഷിക്കുകയായിരുന്നു.

A run that saved life!
In a spine chilling incident, #everydayhero #RPF Constable Vishal Kumar (civil dress) ran along the moving train and pulled out a passenger from the jaws of death at Nagda Railway Station. #MissionJeewanRaksha #LifeSavingAct@RailMinIndia @rpfwr1 pic.twitter.com/0fWAsfjW3y

— RPF INDIA (@RPF_INDIA) October 12, 2022

ട്രെയിനിനിടയിലേക്ക് വിഴാൻ പോയ യാത്രക്കാരന്റെ ജീവൻ അതിസാഹസികമായാണ് ഉദ്യോഗസ്ഥൻ രക്ഷിച്ചത്. സംഭവത്തിന്റെ സിസിടിവി ദൃശ്യങ്ങൾ പുറത്തുവന്നിട്ടുണ്ട്. ഇതോടെ ആർപിഎഫ് ഉദ്യോഗസ്ഥന്റെ ധീരതയ്‌ക്ക് അഭിനന്ദന പ്രവാഹമാണ് ലഭിക്കുന്നത്.