റാഞ്ചി: ഛത്തീസ്ഗഡിൽ വീണ്ടും ആക്രമണം അഴിച്ചുവിട്ട് കമ്യൂണിസ്റ്റ് ഭീകരർ. സ്വകാര്യ വാഹനങ്ങൾ തല്ലിത്തകർത്തു. ഖനനത്തിനായി എത്തിച്ച വാഹനം തീയിട്ടു. കൻകെർ ജില്ലയിലെ ഛർഗാവിൽ ഇന്നലെ രാത്രിയോടെയായിരുന്നു സംഭവം.
ഖനന മേഖലയിലേക്ക് അതിക്രമിച്ച് കയറിയായിരുന്നു ഭീകരരുടെ പരാക്രമം. രഹസ്യമായി ഇവിടേക്ക് എത്തിയ ഭീകര സംഘം വാഹനങ്ങൾ അടിച്ച് തകർക്കാൻ ആരംഭിച്ചു. എന്നാൽ ഇത് പ്രദേശത്ത് കാവലുണ്ടായിരുന്ന സുരക്ഷാ സേനയുടെ ശ്രദ്ധയിൽപ്പടുകയായിരുന്നു. ഇത് മനസ്സിലാക്കിയ ഭീകര സംഘം ഖനനത്തിനായി ഉപയോഗിക്കുന്ന വാഹനത്തിന് തീയിട്ട് അവിടെ നിന്നും കടന്ന് കളയുകയായിരുന്നു.
സംഭവത്തിൽ അന്വേഷണം ആരംഭിച്ചിട്ടുണ്ട്. എത്ര പേരാണ് അക്രമി സംഘത്തിൽ ഉൾപ്പെട്ടിട്ടുള്ളത് എന്ന കാര്യത്തിൽ വ്യക്തതയില്ല. 13 ഓളം പേർ സംഘത്തിൽ ഉൾപ്പെട്ടിട്ടുണ്ടെന്നാണ് പ്രാഥമിക നിഗമനം. പ്രദേശത്തെ സിസിടിവി ദൃശ്യങ്ങളിൽ ആറ് ഭീകരരുടെ ദൃശ്യങ്ങൾ പതിഞ്ഞിട്ടുണ്ട്. സംഭവ സ്ഥലത്ത് പോലീസ് എത്തി പരിശോധന നടത്തി. അക്രമികളെ ഉടൻ പിടികൂടുമെന്ന് പോലീസ് അറിയിച്ചു.
Comments