ഊബർ ഈറ്റ്സിലൂടെ ഇനി ഭക്ഷണം മാത്രമല്ല കഞ്ചാവും ഓർഡർ ചെയ്യാം. ആളുകളുടെ വീട്ടുപടിക്കൽ എത്തി കഞ്ചാവ് വിൽക്കുന്ന പ്രവർത്തനത്തിലേക്ക് പ്രവേശിക്കാൻ തയ്യാറെടുക്കുകയാണ് ഇപ്പോൾ ഊബർ ഈറ്റ്സ്. കാനഡയിലെ ടൊറന്റോയിലാണ് ഈ സേവനം ലഭിക്കുക. ഓൺലൈനായി കഞ്ചാവ് വിതരണം ചെയ്യുന്ന ലീഫ്ലിയുമായി സഹകരിച്ചാണ് ഊബർ ഈറ്റ്സ് കഞ്ചാവ് വിതരണം ചെയ്യുന്നത്.
അംഗീകൃത റീട്ടെയിലർമാരിൽ നിന്ന് പ്രായപൂർത്തിയായവർക്ക് കഞ്ചാവ് ഉൽപ്പന്നങ്ങൾ വാങ്ങാവുന്നതാണ്. കുറഞ്ഞത് 19 വയസ് ഉണ്ടാകണം ഇവർക്ക്. ടൊറന്റോയിൽ എവിടെ നിന്ന് കഞ്ചാവ് വേണമെന്ന് ആഗ്രഹിച്ചാലും അത് നിങ്ങൾക്കരികിലേക്ക് എത്തിക്കുന്നതാണ് ഊബർ ഈറ്റ്സിന്റെ സേവനം. ഊബർ ഡ്രൈവർമാർക്ക് പകരം റീട്ടെയിലർമാരുടെ സ്റ്റാഫുകളായിരിക്കും കഞ്ചാവ് ആവശ്യക്കാരുടെ വീട്ടു പടിക്കൽ എത്തിക്കുക.
നവംബർ മുതലാണ് ഈ സേവനം ആരംഭിക്കുന്നത്. എന്നാൽ കഞ്ചാവ് വാങ്ങുന്നതിന് അനുമതി വാങ്ങേണ്ടതുണ്ട്. ഇത് വലിച്ച ശേഷം ആളുകൾ വാഹനം ഓടിക്കുയും അപകടമുണ്ടാകുകയും ചെയ്യുന്ന സാഹചര്യം വർദ്ധിച്ചുവരുന്നുണ്ട്. എന്നാൽ ഇത്തരം സംവിധാനങ്ങളിലൂടെ അത് ഒരു പരിധി വരെ ഇല്ലാതാക്കാനാകും എന്നാണ് വിലയിരുത്തൽ.
