യുദ്ധം വീണ്ടും രൂക്ഷമാകുന്നു; ഇന്ത്യക്കാർ എത്രയും വേഗം യുക്രെയ്ൻ വിടണമെന്ന് ഇന്ത്യൻ എംബസി; മുന്നറിയിപ്പ് റഷ്യ ആക്രമണം കടുപ്പിച്ചതിന് പിന്നാലെ

കീവ് : റഷ്യ ആക്രമണം കടുപ്പിച്ച സാഹചര്യത്തിൽ ഇന്ത്യൻ പൗരന്മാർ യുക്രെയൻ വിടണമെന്ന നിർദേശവുമായി ഇന്ത്യൻ എംബസി. രാജ്യത്തെ സുരക്ഷാ സാഹചര്യം വഷളായിക്കൊണ്ടിരിക്കുന്ന സാഹചര്യത്തിലാണ് ഇന്ത്യൻ എംബസി പ്രത്യേക മാർഗനിർദേശം പുറപ്പെടുവിച്ചത്.

യുക്രെയ്‌നിലെ വിദ്യാർത്ഥികൾ ഉൾപ്പെടെയുള്ള ഇന്ത്യൻ പൗരന്മാർ എത്രയും വേഗം യുക്രെയ്ൻ വിടണമെന്നാണ് നിർദേശം. രാജ്യത്ത് അനാവശ്യമായ യാത്രകൾ ഒഴിവാക്കണമെന്നും നിർദേശമുണ്ട്. ഔദ്യോഗിക ട്വിറ്ററിലൂടെയാണ് ഇക്കാര്യം വ്യക്തമാക്കിയത്.

In view of the deteriorating security situation & recent escalation of hostilities across Ukraine, Indian nationals are advised against travelling to Ukraine. Indian citizens, including students, in Ukraine advised to leave Ukraine at earliest: Embassy of India in Ukraine pic.twitter.com/QwOmCJitQH

— ANI (@ANI) October 19, 2022

യുക്രെയ്‌നിലെ നാല് സ്ഥലങ്ങളിൽ പട്ടാള നിയമം നടപ്പിലാക്കിക്കൊണ്ടുള്ള ഉത്തരവ് റഷ്യൻ പ്രസിഡന്റ് വ്‌ലാഡിമിർ പുടിൻ പുറപ്പെടുവിച്ചിരുന്നു. ഇതിന് പിന്നാലെയാണ് എംബസിയുടെ മാർഗനിർദേശമെത്തിയത്. പൊതു സമ്മേളനം നിരോധിക്കുക, യാത്ര നിരോധനമേർപ്പെടുത്തുക, കർഫ്യൂ എന്നിവയാണ് പട്ടാള നിയമത്തിലൂടെ ലക്ഷ്യമിടുന്നത്. യുക്രെയ്‌ന് നേരെ ആക്രമണം ശക്തമാക്കാനാണ് റഷ്യയുടെ തീരുമാനം.