അബദ്ധത്തിൽ കാഞ്ചി വലിച്ച് പോലീസുകാരൻ; യുവാവിന് വെടിയേറ്റു; സംഭവം മൊബൈൽ ഷോപ്പിൽ നിൽക്കവെ

അമൃത്സർ: മൊബൈൽ ഷോപ്പിലെത്തിയ പോലീസുകാരന്റെ തോക്കിൽ നിന്നും അബദ്ധത്തിൽ വെടിയേറ്റ് യുവാവിന് ഗുരുതര പരിക്ക്. പഞ്ചാബിലെ അമൃത്സറിലാണ് സംഭവം. അപകടത്തിന് പിന്നാലെ പോലീസുകാരനെ സസ്‌പെൻഡ് ചെയ്ത് പഞ്ചാബ് പോലീസ് ഉത്തരവിറക്കി. സംഭവത്തിന്റെ സിസിടിവി ദൃശ്യങ്ങൾ സോഷ്യൽ മീഡിയയിൽ വ്യാപകമായി പ്രചരിച്ചതിന് പിന്നാലെയാണ് നടപടി.

മൊബൈൽ ഷോപ്പിലേക്ക് എത്തിയ പോലീസുകാരൻ സമീപം നിന്നയാൾക്ക് തോക്കെടുത്ത് കാണിച്ച് നൽകുകയായിരുന്നു. എന്നാൽ അബദ്ധത്തിൽ ട്രിഗർ വലിക്കുകയും എതിർവശത്ത് നിന്നിരുന്ന യുവാവിന് വെടിയേൽക്കുകയും ചെയ്തു. ഇയാളുടെ പരിക്ക് ഗുരുതരമാണെന്നാണ് അമൃത്സർ അസി. കമ്മീഷണർ വരീന്ദർ സിംഗ് അറിയിക്കുന്നത്. ദൃക്‌സാക്ഷികളുടെ മൊഴിയുടെ അടിസ്ഥാനത്തിൽ പോലീസുകാരനെതിരെ മറ്റ് നടപടികൾ സ്വീകരിക്കുമെന്നും അമൃത്സർ പോലീസ് അറിയിച്ചു.

അപകടത്തിന്റെ സിസിടിവി ദൃശ്യങ്ങൾ കാണാം..

#WATCH | A youth working in a mobile shop got injured in an alleged accidental firing by a policeman in Punjab's Amritsar

The accused police official has been suspended. We've recovered the CCTV footage: Varinder Singh, ACP North, Amritsar

(CCTV visuals) pic.twitter.com/N8R0VpMhH0

— ANI (@ANI) October 19, 2022