തിരുവനന്തപുരം: സംസ്ഥാനത്ത് സ്വർണ്ണ വിലയിൽ ഇടിവ്. ഗ്രാമിന് 20 രൂപയും പവന് 160 രൂപയും കുറഞ്ഞു. ഇതോടെ 22 കാരറ്റ് സ്വർണ്ണം ഒരു ഗ്രാമിന് വിപണിയിൽ വില 4,635 രൂപയായി. ഒരു പവന് വില 37,080 രൂപയായും കുറഞ്ഞിട്ടുണ്ട്. അന്താരാഷ്ട്ര വിപണിയിൽ വന്ന വ്യതിയാനമാണ് സ്വർണ്ണ വിലയിൽ ഇടിവ് വരാൻ കാരണം. ഔൺസിന് 1,625 ഡോളർ ആയതോടെയാണ് വില കുറഞ്ഞത്.
18 കാരറ്റ് സ്വർണം ഗ്രാമിന് ഇന്ന് വിപണി വില 3,840 രൂപയാണ്. 15 രൂപയാണ് ഗ്രാമിന് കുറഞ്ഞത്. 22 കാരറ്റ് സ്വർണ്ണത്തിന് ഇന്നലെ ഗ്രാമിന് പത്ത് രൂപ കൂടി 4,655 ആയിരുന്നു. പവന് 37,240 രൂപയുമെത്തി. ഇതിന് പിന്നാലെയാണ് ഇന്ന് ഇടിവുണ്ടായത്. അതേസമയം വെള്ളിയുടെ വിലയിൽ മാറ്റമില്ല. സാധാരണ വെള്ളിക്ക് 62 രൂപയും ഹാൾമാർക്ക് വെള്ളിക്ക് 90 രൂപയുമാണ് ഗ്രാമിന് വില.
Comments