തീപിടുത്തം; ജക്കാർത്ത ഇസ്ലാമിക് സെന്റർ ഗ്രാൻഡ് മോസ്‌കോ തകർന്ന് വീണു-(വീഡിയോ)

ജക്കാർത്ത: തീ പിടുത്തത്തിൽ ഇന്തോനേഷ്യയിലെ പ്രശസ്ത നിർമ്മിതിയായ ജക്കാർത്ത ഇസ്ലാമിക് സെന്റർ ഗ്രാൻഡ് മോസ്‌കോ തകർന്ന് വീണു. ഇന്നലെയോടെയായിരുന്നു സംഭവം. അപകടത്തിൽ ആളപായമില്ല.

ഇസ്ലാമിക് സെന്റർ ഗ്രാൻഡ് മോസ്‌കോയുടെ താഴികക്കുടത്തിന്റെ നവീകരണ പ്രവർത്തനങ്ങൾ പുരോഗമിക്കുകയാണ്. ഇതിനിടെയാണ് തീ പടർന്ന് അപകടം ഉണ്ടായത്. തീ പടർന്ന ഉടനെ നിർമ്മാണ തൊഴിലാളികൾ ചേർന്ന് അണയ്‌ക്കാൻ ശ്രമിച്ചെങ്കിലും ഫലമുണ്ടായില്ല. മാത്രമല്ല വളരെ വേഗത്തിൽ തീ മറ്റ് ഭാഗങ്ങളിലേക്ക് പടരുകയായിരുന്നു.

10 ഫയർഫോഴ്‌സ് എൻജിനുകൾ എത്തി തീ അണയ്‌ക്കാൻ ശ്രമിച്ചെങ്കിലും ഇതും ഫലം കണ്ടില്ല. ഇതോടെ താഴികക്കുടം ഉൾപ്പെടെ തകർന്ന് നിലം പതിക്കുകയായിരുന്നു. തീപിടുത്തത്തിന്റെ കാരണം വ്യക്തമല്ല. നിർമ്മാണ ജോലികൾക്കിടെ തീ പടർന്നതാകാമെന്നാണ് സൂചന. സംഭവത്തിൽ പോലീസ് അന്വേഷണം ആരംഭിച്ചു. തൊഴിലാളികളിൽ നിന്നും മൊഴി രേഖപ്പെടുത്തിയെന്നാണ് വിവരം.

സംഭവത്തിന്റെ ദൃശ്യങ്ങൾ സമൂഹമാദ്ധ്യമങ്ങളിൽ വ്യാപകമായി പ്രചരിക്കുന്നുണ്ട്.താഴികക്കുടത്തിൽ നിന്നും തീയും പുകയും ഉയരുന്നതും നിമിഷങ്ങൾക്കുള്ളിൽ നിലം പൊത്തുകയും ചെയ്യുന്ന ദൃശ്യങ്ങളാണ് സമൂഹമാദ്ധ്യമങ്ങളിൽ പ്രചരിക്കുന്നത്.

❗️Mosque dome in Jakarta collapses in fire

According to local media reports, it was the #Jakarta Islamic Center in Koja.

The exact circumstances and the cause are not yet known. It was also unclear whether there were any dead or injured. The emergency services are on site. pic.twitter.com/P3ze3bWB3s

— NEXTA (@nexta_tv) October 19, 2022