മെൽബൺ : കുട്ടിക്രിക്കറ്റിൽ ഇനി സൂപ്പർ 12 പോരാട്ടത്തിന്റെ ആരവം. യോഗ്യതാ റൗണ്ട് പൂർത്തിയായതോടെ ആറു ടീമുകൾ വീതം അണിനിരക്കുന്ന സൂപ്പർ 12 ലൈൻ അപ്പ് ആയി. രണ്ടു തവണ ടി20 കിരീടം നേടിയ വെസ്റ്റിൻഡീസിനെ അട്ടിമറിച്ച് അയർലാന്റ് സൂപ്പർ 12ലേയ്ക്ക് കയറിയതാണ് ഇത്തവണത്തെ ഒടുവിലത്തെ അട്ടിമറി.
ആതിഥേയരും നിലവിലെ ചാമ്പ്യന്മാരുമായ ഓസ്ട്രേലിയയും നിലവിലെ ഏകദിന ചാമ്പ്യ ന്മാരായ ഇംഗ്ലണ്ടും ഏകദിനത്തിൽ അടിതെറ്റിയ ന്യൂസിലാന്റും ഒന്നാം ഗ്രൂപ്പിലാണ്. ഏഷ്യ യിൽ നിന്ന് അഫ്ഗാനും ശ്രീലങ്കും ഒന്നാം ഗ്രൂപ്പിൽ മത്സരിക്കണം. അയർലാന്റാണ് ഗ്രൂപ്പിലെ ആറാമത്തെ ടീം.
ഗ്രൂപ്പ് രണ്ടിലാണ് ഇന്ത്യയും പാകിസ്താനുമുള്ളത്. കരുത്തരായ ദക്ഷിണാഫ്രിക്കയും ഏഷ്യൻ കടുവകളായ ബംഗ്ലാദേശും സെമിഫൈനലിലെങ്കിലും കടക്കാനായിട്ടാണ് ശ്രമിക്കുക. യോഗ്യതാ റൗണ്ടിൽ കറുത്തകുതിരകളായി മാറിയ നെതർലാന്റ്സും പഴയപ്രതാപം തിരികെ പിടിക്കാനായി സിംബാബ്വേയും രണ്ടാം ഗ്രൂപ്പിൽ പോരാടും.
Comments