വിവാഹവും വിവാഹാഘോഷങ്ങളും വ്യത്യസ്തമായി അവതരിപ്പിക്കുന്നതാണ് ഇപ്പോഴത്തെ ട്രൻഡ്. ഇതിനായി എത്ര പണം മുടക്കാനും ചിലർ തയ്യാറാണ്. പ്രീവെഡ്ഡിംങ് ഫോട്ടോഷൂട്ടും പോസ്റ്റ് വെഡ്ഡിംഗ് ഫോട്ടോഷൂട്ടുമെല്ലാം നടത്തി പ്രശസ്തരായവരും ഫോട്ടോഷൂട്ടിൽ അൽപം വ്യത്യസ്തത കൂടിപ്പോയതുകൊണ്ട് പണി കിട്ടിയവരുമുണ്ട്. ഇപ്പോഴിതാ മറ്റൊരു ഫോട്ടോഷൂട്ട് വീഡിയോ വൈറലാകുകയാണ്. ചരിത്രത്തിൽ ഇതുവരെ കാണാത്ത വെഡ്ഡിംഗ് ഫോട്ടോഷൂട്ട് എന്നാണ് ഈ വീഡിയോയെ പലരും വിശേഷിപ്പിക്കുന്നത്.
pre-wedding shoots – i’m getting this pic.twitter.com/Ynwf7Kxr6a
— Best of the Best (@bestofallll) October 27, 2022
13 സെക്കൻഡ് മാത്രമുള്ള ഈ ദൃശ്യങ്ങളിൽ വരനും വധുവും കുറച്ച് വാഹനങ്ങളുമാണ് ഉള്ളത്. ഇരുവരും ഒരു ബൈക്കിൽ ഇരിക്കുകയാണ്. തൊട്ടുമുന്നിൽ ഒരു ജീപ്പും കിടപ്പുണ്ട്. ബൈക്കിലിരുന്നുകൊണ്ട് ഈ ജീപ്പിന്റെ മുകളിലൂടെ പറക്കുന്നതാണ് ദൃശ്യങ്ങളിൽ. ഇതിനായി ക്രെയിനിന്റെ സഹായവും തേടിയിട്ടുണ്ട്. ക്രെയിൻ ബൈക്ക് എടുത്ത് പൊക്കി ഉയർത്തിയതിന് ശേഷം പിന്നീട് താഴെ വെക്കുകയാണ്. ഒടുവിൽ ദമ്പതികൾ സുരക്ഷിതരായി തന്നെ ബൈക്കിലിരിക്കുന്നതും ദൃശ്യങ്ങളിൽ കാണാം. ക്രെയിനും ജീപ്പും ബൈക്കുമൊക്കെ ഉപയോഗിച്ച് പരമാവധി വ്യത്യസ്തമായി ചിത്രീകരിച്ച ഈ ഫോട്ടോഷൂട്ടിന്റെ ‘ബിഹൈൻഡ് ദ സീൻസ്’ ആണ് വൈറലായത്.
ഒരു സംഘട്ടന കലാകാരനാണ് വരനെന്ന് തോന്നുന്നുവെന്നായിരുന്നു വീഡിയോയ്ക്ക് താഴെ പലരും രേഖപ്പെടുത്തിയത്. ഇതിലും മികച്ച വെഡ്ഡിംഗ് ഫോട്ടോഷൂട്ട് സ്വപ്നങ്ങളിൽ മാത്രമെന്നും ചിലർ അഭിപ്രായപ്പെട്ടു. ക്യാമറമാൻ പകർത്തിയ വീഡിയോ കാണാൻ കൊതിയാകുന്നുവെന്നായിരുന്നു മറ്റ് ചിലരുടെ പ്രതികരണം. സംഭവം എവിടെ നടന്നതാണെന്ന് വ്യക്തമല്ലെങ്കിലും അജ്ഞാതരായ വരനും വധുവും ഒറ്റ വീഡിയോ കൊണ്ട് വൈറലായിരിക്കുകയാണ്.
Comments