ഭൂമി ആകർഷകമായ കാര്യങ്ങൾ കൊണ്ട് നിറഞ്ഞതാണ്. ഇവയിൽ പലതും ഇതിനകം തന്നെ പര്യവേക്ഷണം ചെയ്യപ്പെട്ടിട്ടുണ്ട്. അവയെല്ലാം തന്നെ നമ്മെ അത്ഭുതപ്പെടുത്തുകയും ചെയ്യുന്നു. ഇനിയും എത്രയോ കാര്യങ്ങൾ കണ്ടത്തേണ്ടിയിരിക്കുന്നു. ഭൂമിയിൽ അത്ഭുതകരമായ കാഴ്ചകളുള്ളത് കടലിലാണ് എന്ന് പലരും പറയുന്നു. കണ്ടാലും കണ്ടാലും തീരാത്ത അത്രയും വിസ്മയ ലോകമാണ് സാഗരം. കടലിലെ ആ അത്ഭുതങ്ങളിലൊന്നാണ് നക്ഷത്രമത്സ്യം. ഇപ്പോൾ സമൂഹമാദ്ധ്യമങ്ങളിൽ വൈറലാകുന്നതും നക്ഷത്ര മത്സ്യത്തിന്റെ ഒരു വീഡിയോയാണ്.
നക്ഷത്ര മത്സ്യങ്ങളുടെ ഭംഗി അവർണ്ണനീയമാണ്. ആരു കണ്ടാലും നോക്കി നിന്നു പോകുന്ന അഴകാണ് അവയ്ക്ക്. നക്ഷത്ര മത്സ്യങ്ങൾ നടക്കുന്നത് ആരെങ്കിലും കണ്ടിട്ടുണ്ടോ? അവയുടെ കാലുകളോ?.. എന്നാൽ, നക്ഷത്ര മത്സ്യം തന്റെ ചെറിയ കാലുകൾ കൊണ്ട് ചലിക്കുന്നതാണ് ഇപ്പോൾ സമൂഹമാദ്ധ്യമങ്ങളിൽ ശ്രദ്ധ നേടുന്നത്. ചെറിയ കുത്തുകൾ പോലെ കാണുന്ന കാലുകൾ കൊണ്ട് അക്വേറിയത്തിലെ ചില്ലിലൂടെ നീങ്ങുന്ന വീഡിയോയാണ് വൈലാകുന്നത്. നക്ഷത്ര മത്സ്യത്തിന്റെ ചെറു കാലുകൾ ചലിക്കുന്നത് കാണാൻ തന്നെ മനോഹരമാണ്.
A close look at how starfish walk.pic.twitter.com/C3HJWGILwX
— Fascinating (@fasc1nate) October 26, 2022
നക്ഷത്രാകൃതിയിലുള്ള കടൽ ജീവിയാണ് നക്ഷത്രമത്സ്യം. എല്ലാ സമുദ്രങ്ങളിലും ഇവയെ കാണാം. ഒരു ഡിസ്കിനു ചുറ്റുമുള്ള അഞ്ചു കൈകളാണ് ഇവക്കു നക്ഷത്രരൂപം നൽകുന്നത്. 1500-ഓളം ഇനങ്ങൾ ഇക്കൂട്ടത്തിലുണ്ട്. നക്ഷത്ര മത്സ്യത്തിന്റെ ശരീരത്തിലെ ടെന്റക്കിളുകളില് നീരാളിയുടേതെന്ന പോലെ ട്യൂബ് പോലെ കാണപ്പെടുന്ന കാലുകളുണ്ട്. ഏതാണ്ട് 15000 ത്തോളം കാലുകള് ശരാശരി ഒരു സ്റ്റാര്ഫിഷിന്റെ ശരീരത്തില് ഉണ്ടാകുമെന്നാണ് കരുതുന്നത്.
