ഖുർആൻ കത്തിച്ചെന്ന് ആരോപിച്ച് പിടികൂടിയ യുവതിയെ പരസ്യമായി തല്ലിക്കൊല്ലാനൊരുങ്ങി മതമൗലികവാദികൾ; കറാച്ചി പോലീസ് സ്‌റ്റേഷന് നേരെ ആക്രമണം

ഇസ്ലാമാബാദ് : പാകിസ്താനിൽ മതനിന്ദയാരോപിച്ച് പിടികൂടിയ വനിതയെ വിട്ടുകിട്ടാൻ പോലീസ് സ്‌റ്റേഷൻ ആക്രമിച്ച് മതമൗലികവാദികൾ. ഖുർആനെ അപമാനിച്ചുവെന്നാരോപിച്ചാണ് മാനസിക വൈകല്യമുള്ള യുവതിയെ പോലീസ് അറസ്റ്റ് ചെയ്തത്. ഇതോടെ പോലീസ് സ്‌റ്റേഷനിലേക്ക് ആളുകൾ ഇരച്ചെത്തുകയായികുന്നു. സംഭവത്തിൽ യുവതിക്കെതിരെ മതനിന്ദ നടത്തിയതിന് കേസെടുത്തിട്ടുണ്ട്.

ഖുർആൻ കത്തിച്ചാണ് യുവതി പ്രതിഷേധം അറിയിച്ചത്. താൻ ജൂതയാണെന്നും മുസ്ലീങ്ങളെല്ലാം ജൂതന്മാരാണെന്നും യുവതി പറഞ്ഞു. അതുകൊണ്ടാണ് താൻ ഖുർആൻ കത്തിച്ചത് എന്നാണ് മാനസിക വൈലക്യമുള്ള യുവതി പറഞ്ഞത്. ഇതോടെ മുസ്ലീം യുവതിയെ പോലീസ് അറസ്റ്റ് ചെയ്യുകയായിരുന്നു.

എന്നാൽ ഈ നടപടി പോരെന്നും അവരെ കൊല്ലണമെന്നും പറഞ്ഞ് മതതീവ്രവാദികൾ പോലീസ് സ്‌റ്റേഷൻ ആക്രമിക്കുകയായിരുന്നു. മാനസിക വൈകല്യമുള്ളയാളാണെന്ന് പോലും നോക്കാതെയാണ് ഇവർ നിയമം കൈയ്യിലെടുക്കാൻ ശ്രമിച്ചത്. തുടർന്ന് പോലീസ് ഇവരെ തടയുകയായിരുന്നു