തിരുവനന്തപുരം ; സംസ്ഥാനത്ത് സ്വർണവില വീണ്ടും കുറഞ്ഞു. പവന് 120 രൂപയാണ് കുറഞ്ഞത്. ഇതോടെ ഒരു പവൻ സ്വർണത്തിന്റെ വില 37,280 രൂപയായി. ഗ്രാമിന് 15 രൂപ കുറഞ്ഞ് ഒരു ഗ്രാമിന്റെ വില 4660 രൂപയുമായി.
തുടർച്ചയായി രണ്ട് ദിവസം മാറ്റമില്ലാതെ നിന്നിരുന്ന വിലയിൽ ശനിയാഴ്ച പവന് 280 രൂപയുടെ കുറവ് രേഖപ്പെടുത്തിയിരുന്നു. ഞായറാഴ്ച സ്വർണവില മാറ്റമില്ലാതെ തുടർന്നു. പിന്നാലെയാണ് തിങ്കളാഴ്ച വീണ്ടും കുറഞ്ഞത്.
ഈ മാസത്തെ ഏറ്റവും കുറഞ്ഞ വില ഒക്ടോബർ 15 ന് രേഖപ്പെടുത്തിയ ഗ്രാമിന് 4,620 രൂപയും പവന് 36,960 രൂപയുമാണ്. അതേസമയം വെള്ളിയുടെ വിലയിൽ മാറ്റമില്ലാതെ തുടരുന്നുണ്ട്. ഒരു ഗ്രാം സാധാരണ വെള്ളിയുടെ വില 64 രൂപയാണ്. ഒരു ഗ്രാം ഹാൾമാർക്ക് വെള്ളിയുടെ വില 90 രൂപയാണ്.
