തിരുവനന്തപുരം: രണ്ട് ദിവസങ്ങൾക്കു ശേഷം സംസ്ഥാനത്തെ സ്വർണ വില കുത്തനെ ഉയർന്നു. ഇന്നലെ ഇടിവ് സംഭവിച്ച സ്വർണ്ണ വിലയാണ് ഒറ്റ ദിവസം കൊണ്ട് കുത്തനെ ഉയർന്നത്. ഇന്നലെ സ്വർണത്തിന് 480 രൂപയാണ് ഇടിഞ്ഞത്. എന്നാൽ ഇന്ന് രാവിലെ സ്വർണത്തിന്റെ വില 750 രൂപയായി ഉയർന്നു.
നിലവിൽ ഒരു പവൻ സ്വർണത്തിന്റെ വില 37600 രൂപയാണ്. കഴിഞ്ഞ രണ്ട് ദിവസമായി സംസ്ഥാനത്ത് സ്വർണവിലയിൽ വൻ ഇടിവ് സംഭവിച്ചിരുന്നു. രണ്ട് ദിവസം കൊണ്ട് സ്വർണത്തിന് ഇടിഞ്ഞത് 600 രൂപയാണ്. ഒരു ഗ്രാം 22 കാരറ്റ് സ്വർണത്തിന്റെ വില 90 രൂപയാണ് ഇന്ന് ഉയർന്നത്. ഇന്നത്തെ വിപണി വില 4700 രൂപയാണ്.
ഇന്നലെ 60 രൂപ കുറഞ്ഞിരുന്നു. ഒരു ഗ്രാം 18 കാരറ്റ് സ്വർണത്തിന്റെ വിലയും ഉയർന്നു. 85 രൂപയാണ് ഇന്ന് ഉയർന്നത്. നിലവിൽ ഒരു ഗ്രാം 18 കാരറ്റ് സ്വർണത്തിന്റെ വിപണി വില 3895 രൂപയാണ്. സംസ്ഥാനത്ത് വെള്ളിയുടെ വിലയും ഉയർന്നു. ഒരു ഗ്രാം വെള്ളിയുടെ വില 2 രൂപ ഉയർന്നു. ഇന്നത്തെ വിപണി വില 66 രൂപയാണ്.
Comments