പാലക്കാട് : ഏഴാം ക്ലാസ് വിദ്യാർത്ഥിനിയെ സ്കൂളിൽ കെട്ടിയിട്ട നിലയിൽ കണ്ടെത്തി. സ്കൂൾ കെട്ടിടത്തിന്റെ മൂന്നാം നിലയിലാണ് വിദ്യാർത്ഥിനിയെ കെട്ടിയിട്ട നിലയിൽ കണ്ടെത്തിയത്. പാലക്കാട് അലനല്ലൂരിലാണ് സംഭവം.
വൈകുന്നേരം മുതൽ കുട്ടിയെ കാണാതായിരുന്നു. തുടർന്ന് രക്ഷിതാക്കളും നാട്ടുകാരും ചേർന്ന് കുട്ടിക്കായുള്ള തിരച്ചിൽ ആരംഭിക്കുകയായിരുന്നു. ഇതേ തുടർന്നാണ് കുട്ടിയെ കണ്ടെത്തിയത്. കുട്ടിയുടെ കൈകൾ കെട്ടിയിട്ട നിലയിലാണ് ഉണ്ടായിരുന്നത്. സംഭവത്തിൽ രക്ഷിതാക്കൾ പോലീസിൽ പരാതി നൽകി.
എന്താണ് സംഭവിച്ചതെന്നോ ആരാണ് കുട്ടിയെ കെട്ടിയിട്ടതെന്നോ വിവരം ലഭ്യമല്ല. നാട്ടുകൽ പോലീസ് വിദ്യാർത്ഥിനിയുടെ മൊഴി രേഖപ്പെടുത്തി അന്വേഷണം ആരംഭിച്ചു. അതേസമയം മൊഴിയിൽ വൈരുധ്യമുണ്ടെന്ന് പോലീസ് വ്യക്തമാക്കി.
Comments