എറണാകുളം: ഉണ്ണി മുകുന്ദൻ നായകനാകുന്ന ചിത്രം ഷെഫീഖിന്റെ സന്തോഷം ഈ മാസം മുതൽ തിയറ്ററുകളിൽ. ചിത്രത്തിന്റെ റിലീസ് തിയതി പ്രഖ്യാപിച്ചു. നവംബർ 25 നായിരിക്കും ചിത്രം തിയറ്ററുകൾ വഴി റിലീസ് ചെയ്യുക.
ഉണ്ണി മുകുന്ദൻ പ്രവാസിയുടെ വേഷത്തിൽ എത്തുന്ന ചിത്രമാണ് ഷെഫീഖിന്റെ സന്തോഷം. നവാഗതനായ അനൂപ് പന്തളമാണ് ചിത്രം സംവിധാനം ചെയ്യുന്നത്. ഉണ്ണി മുകുന്ദൻ തന്നെയാണ് ചിത്രത്തിന്റെ നിർമ്മാതാവ്. വിജയ ചിത്രം മേപ്പടിയാന് ശേഷം ഉണ്ണി മുകുന്ദൻ സംവിധാനം ചെയ്യുന്ന ചിത്രമാണ് ഷെഫീഖിന്റെ സന്തോഷം. റിയലിസ്റ്റിക് ഫാമിലി എന്റർടെയ്നറാണ് ചിത്രത്തിന്റെ അണിയറ പ്രവർത്തകർ.
ഷാൻ റഹ്മാനാണ് ചിത്രത്തിന്റെ സംഗീതം. ഛായാഗ്രഹണം നിർവ്വഹിച്ചിരിക്കുന്നത് എൽദോ ഐസക്കാണ്. വൻ താരനിരതന്നെ അണിനിരക്കുന്ന ചിത്രമാണ് ഷെഫീഖിന്റെ സന്തോഷം. ഉണ്ണി മുകുന്ദന് പുറമേ മനോജ് കെ.ജയൻ, ദിവ്യ പിള്ള, ബാല, അത്മീയ രാജൻ, മിഥുൻ രമേശ് എന്നിവരും മുഖ്യവേഷങ്ങളിൽ എത്തുന്നുണ്ട്.
Comments