കൊച്ചി: കൂട്ടബലാത്സംഗ കേസിൽ പിടിയിലായ സി ഐ സുനുവിനെ പോലീസ് ചോദ്യം ചെയ്യലിന് ശേഷം വിട്ടയച്ചു. ഇയാൾക്കെതിരെ തെളിവില്ലാത്തതിനാലാണ് വിട്ടയക്കുന്നതെന്നാണ് പോലീസിന്റെ വിശദീകരണം. ചൊവ്വാഴ്ച രാവിലെ പത്ത് മണിക്ക് വീണ്ടും ചോദ്യം ചെയ്യലിന് ഹാജരാകാൻ ആവശ്യപ്പെട്ടിട്ടുണ്ടെന്നും പോലീസ് അറിയിച്ചു.
2021ൽ പീഡനക്കേസിൽ 14 ദിവസം റിമാൻഡിൽ കഴിഞ്ഞയാളാണ് കേരള പോലീസിൽ സർക്കിൾ ഇൻസ്പെക്ടർ ആയ സുനു പി ആർ. ഇയാൾ എട്ട് തവണ വകുപ്പുതല അച്ചടക്ക നടപടികൾ നേരിട്ടിട്ടുണ്ട്. നിലവിൽ ഇയാൾ മൂന്ന് പീഡനക്കേസുകളിൽ പ്രതിയാണ്.
പീഡനക്കേസുകളിൽ പ്രതിയായിരുന്നിട്ടും പ്രൊമോഷനോടെയായിരുന്നു സുനുവിന് ബേപ്പൂരിലേക്ക് സ്ഥലം മാറ്റം കിട്ടിയത്. സ്ഥിരം കുറ്റവാളിയാണെന്ന് സിറ്റി പോലീസ് കമ്മീഷണർ തന്നെ വിശേഷിപ്പിച്ച പ്രതിയെയാണ് പോലീസ് നിസ്സാരമായി വിട്ടയച്ചിരിക്കുന്നത്.
Comments