കോഴിക്കോട്: ഭരിക്കുന്ന സർക്കാരിൽ നിന്ന് ആവശ്യങ്ങൾ നേടിയെടുക്കാനുള്ള സഹകരണം മാത്രമേ കമ്മ്യൂണിസവുമായുള്ളൂവെന്ന് സമസ്ത മുശാവറ അംഗം ഉമർ ഫൈസി. കമ്മ്യൂണിസം മോശം തന്നെയാണെന്നും അടുപ്പിക്കാൻ കഴിയില്ലെന്നും അദ്ദേഹം കുറ്റപ്പെടുത്തി. എസ്കെഎസ്എസ്എഫ് സംസ്ഥാന കമ്മിറ്റി കോഴിക്കോട് സംഘടിപ്പിച്ച സമ്മേളനത്തിൽ സംസാരിക്കുകയായിരുന്നു അദ്ദേഹം.
കമ്മ്യൂണിസം വെടക്ക് തന്നെയാണ്. അടുപ്പിക്കാൻ പറ്റാത്തതാണ്. കേരളം ഭരിക്കുന്ന സർക്കാർ അവരായതുകൊണ്ട് അവരിൽ നിന്ന് കിട്ടേണ്ടതിന് ചില മാർഗങ്ങൾ സ്വീകരിക്കും. അപ്പോൾ സഖാവ് ഫൈസി എന്നുപറയരുതെന്നായിരുന്നു സമസ്ത നേതാവിന്റെ പരാമർശം.
ഇടത്തോട്ടു ചെരിഞ്ഞു എന്ന് പറയുന്നവരുണ്ട്. അത് മന;പൂർവ്വം പറയുന്നതാണ്. വഖഫിന്റെ വിഷയത്തിൽ സംഭവിച്ചത് ഇതിന് ഉദാഹരണാണ്. ജിഫ്രി തങ്ങൾ കേരളം ഭരിക്കുന്ന സർക്കാരിനോട് നേരിട്ട് കാര്യങ്ങൾ പറഞ്ഞു. നിവേദകസംഘത്തെ അയച്ചു.അതിന്റെ ഫലമായി താൽക്കാലികാശ്വാസം ലഭിച്ചു. അത്തരത്തിൽ സഹകരിച്ചു മുന്നോട്ടുപോകുന്നുണ്ട്. അത് കൊണ്ട് കമ്മ്യൂണിസം നല്ലതാണെന്ന് പറയുന്നില്ലെന്ന് സമസ്ത നേതാവ് കൂട്ടിച്ചേർത്തു.
Comments