പാലക്കാട്: ഒറ്റപ്പാലത്ത് അമ്മയെ കൊലപ്പെടുത്തി മകൻ ആത്മഹത്യ ചെയ്തു. പാലപ്പുറം സ്വദേശി വിജയ കൃഷ്ണൻ, അമ്മ സരസ്വതിയമ്മ എന്നിവരാണ് മരിച്ചത്. രാവിലെയോടെയായിരുന്നു സംഭവം.
സരസ്വതിയമ്മയുടെ ചെറുമകൻ ആണ് സംഭവം ആദ്യം കണ്ടത്. തുടർന്ന് വിവരം പ്രദേശവാസികളെ അറിയിക്കുകയായിരുന്നു. സരസ്വതിയമ്മയെ കഴുത്തറുത്താണ് വിജയ കൃഷ്ണൻ കൊലപ്പെടുത്തിയത്. തുടർന്ന് മുറിയിൽ തന്നെ തൂങ്ങിമരിക്കുകയായിരുന്നു. സരസ്വതിയമ്മയുടെയും മൃതദേഹം മുറിയ്ക്കുള്ളിലാണ് കിടന്നിരുന്നത്.
കഴിഞ്ഞ ഏതാനും നാളുകളായി സരസ്വതിയമ്മയും, വിജയ കൃഷ്ണനും മാത്രമാണ് വീട്ടിൽ താമസം. വിജയ കൃഷ്ണന് മാനസിക പ്രശ്നങ്ങൾ ഉള്ളതായി നാട്ടുകാർ പറയുന്നു.
