ഇടുക്കി : കടയിൽ നിന്ന് സ്ഥിരമായി മോഷണം നടത്തുന്ന പോലീസുകാരനെ കടയുടമ കൈയ്യോടെ പിടികൂടി. ഇടുക്കി നെടുങ്കണ്ടത്താണ് സംഭവം. പാമ്പനാർ ടൗണിലെ വ്യാപാര സ്ഥാപനത്തിലാണ് പോലീസുകാരൻ മോഷണം നടത്തിയത്. പിടിയിലായതോടെ പണം നൽകി ഒതുക്കിതീർക്കാൻ ശ്രമിക്കുകയായിരുന്നു.
1000 രൂപയാണ് ഇയാൾ കടയിൽ നിന്ന് മോഷ്ടിച്ചത്. തുടർന്ന് പിടിയിലായതോടെ 40,000 നൽകി ഒതുക്കിത്തീർക്കാൻ ശ്രമിച്ചു. ഈ കടയിൽ നിന്ന് ഒരിക്കൽ നിരോധിത പുകയിലെ ഉത്പന്നങ്ങൾ പിടിച്ചെടുത്തിരുന്നു. അന്ന് മുതൽ ഉദ്യോഗസ്ഥൻ കടയിൽ ഇടയ്ക്കിടെ വരാറുണ്ട്. ഇയാൾ വന്നുപോയിക്കഴിഞ്ഞാൽ കടയിൽ നിന്ന് പണം കുറയുന്നതായി സംശയം തോന്നിയതോടെയാണ് രഹസ്യമായി നിരീക്ഷിക്കാൻ കടയുടമ തീരുമാനിച്ചത്.
കഴിഞ്ഞ 24 ന് കടയിലെത്തിയ പോലീസുകാരൻ ഒരു സോഡാ നാരങ്ങവെള്ളം ഓർഡർ ചെയ്യുകയായിരുന്നു. കടയുടമ നാരങ്ങ വെള്ളം എടുക്കുന്നതിനിടെ പണപ്പെട്ടിയിൽ നിന്ന് 1000 രൂപ മോഷ്ടിച്ചു. ഇതോടെ കള്ളനെ കൈയ്യോടെ പിടികൂടുകയായിരുന്നു. എന്നാൽ കടയുടമയ്ക്ക് പണം നൽകി ഉദ്യോഗസ്ഥൻ തലയൂരാനും ശ്രമിച്ചു.
Comments