പിസയും ബർഗറുമെല്ലാം ഇന്നത്തെ തലമുറയ്‌ക്ക് ഇഷ്ടമുള്ള ഭക്ഷണവിഭവങ്ങളാണ്. ഉപഭോക്താക്കളുടെ ഇഷ്ടത്തിന് അനുസരിച്ച് കസ്റ്റമൈസ് ചെയ്ത് നൽകുന്ന പിസ-ബർഗർ ഷോപ്പുകൾ ഇന്ന് പലയിടത്തും ട്രെൻഡിങ്ങാണ്. കമിതാക്കളും സുഹൃദ് വലയങ്ങളും ഇത്തരം ഷോപ്പുകളിലെ നിത്യസന്ദർശകരാണ്.
എന്നാൽ പിസയിലെ ടോപ്പിംഗ് കാരണം തന്റെ പ്രണയം നഷ്ടപ്പെട്ടുവെന്നാണ് ഒരു യുവതി സമൂഹമാദ്ധ്യമങ്ങളിൽ കുറിച്ചിരിക്കുന്നത്. നല്ല രീതിയിൽ മുന്നോട്ടുപോയിരുന്ന ബന്ധം ഒരൊറ്റ മെസേജ് അയച്ചാണ് കാമുകൻ അവസാനിപ്പിച്ചത്. തനിക്കേറെ ഇഷ്ടമുള്ള പിസയിൽ ടോപ്പിങ്ങായി നത്തോലി തിരഞ്ഞെടുത്തതാണ് കാമുകൻ ബന്ധം തന്നെ അവസാനിപ്പിക്കാൻ കാരണമായി പറയുന്നത്.
രാവിലെ ഏഴുമണിക്ക് കാമുകിയ്‌ക്കയച്ച മെസേജിലാണ് യുവാവ് ഇക്കാര്യം ചൂണ്ടിക്കാണിച്ചത്. നത്തോലി കാരണം താൻ ബ്രേക്ക്അപ്പായെന്ന് മംമ്‌സ് നെറ്റ് എന്ന ലണ്ടൻ ആസ്ഥാനമായസമൂഹമാദ്ധ്യമ പ്ലാറ്റഫോമിലൂടെയാണ് യുവതി അറിയിച്ചത്. എന്തായാലും യുവതിയുടെ ഈ പ്രണയപരാജയകഥ വൈറലായി മാറിയിരിക്കുകയാണ്. നിരവധി പേരാണ് യുവതിയെ ആശ്വസിപ്പിച്ച് രംഗത്തെത്തിയിരിക്കുന്നത്.
Comments