ജംഷെഡ്പൂർ: ഇന്ത്യൻ സൂപ്പർ ലീഗ് ഫുട്ബോളിൽ ജംഷെഡ്പൂർ എഫ് സിക്കെതിരെ കേരള ബ്ലാസ്റ്റേഴ്സിന് തകർപ്പൻ ജയം. ഏകപക്ഷീയമായ ഒരു ഗോളിനാണ് ബ്ലാസ്റ്റേഴ്സിന്റെ ജയം. പതിനേഴാം മിനിറ്റിൽ ദിമിത്രി ദിയാമന്റാക്കോസാണ് ബ്ലാസ്റ്റേഴ്സിന്റെ വിജയ ഗോൾ നേടിയത്.
ടൂർണമെന്റിൽ ബ്ലാസ്റ്റേഴ്സിന്റെ തുടർച്ചയായ നാലാം ജയമാണിത്. സെറ്റ് പീസിൽ നിന്നായിരുന്നു ബ്ലാസ്റ്റേഴ്സിന്റെ വിജയ ഗോൾ. അഡ്രിയാൻ ലൂണയെ ഹാർട്ട്ലി ഫൗൾ ചെയ്തതിന് ലഭിച്ച ഫ്രീ കിക്ക് ദിയാമന്റാക്കോസ് അനായാസം ഗോളാക്കി മാറ്റുകയായിരുന്നു.
മത്സരത്തിലുടനീളം ആധിപത്യം പുലർത്തിയാണ് ബ്ലാസ്റ്റേഴ്സ് വിജയക്കൊടി പാറിച്ചത്. രണ്ടാം പകുതിയിൽ ജംഷെഡ്പൂരിന്റെ മുന്നേറ്റങ്ങളുണ്ടായെങ്കിലും മികച്ച പ്രതിരോധത്തിലൂടെ കേരളം അവയെ അതിജീവിക്കുകയായിരുന്നു.
Comments