അജ്മൻ: അയ്യപ്പ സേവാസമതിയുടെ നേതൃത്വത്തിൽ യുഎഇയിൽ സംഘടിപ്പിച്ച ഇരുപത്തിയൊന്നാമത് അയ്യപ്പസേവാ മഹോത്സവം അവസാനിച്ചു. ഡിസംബർ 3, 4 ദിവസങ്ങളിലായി അജ്മാൻ ഇന്ത്യൻ അസോസിയേഷൻ ഹാളിലാണ് പൂജാ മഹോത്സവം നടന്നത്. ഹരിവരാസനം ശദാബ്ദി ആഘോഷത്തിന്റെ ഭാഗമായാണ് ‘വിശ്വമോഹനം’ എന്ന പേരിൽ അയപ്പ പൂജാ മഹോത്സവം സംഘടിപ്പിച്ചത്.
ശബരിമല തന്ത്രി താഴമൺ മഠം കണ്ഠരര് രാജീവര് ആണ് വിശ്വമോഹനം അയപ്പ പൂജാ മഹോത്സവത്തിന് കാർമികത്വം വഹിച്ചത്. ഹരിവരാസന ശദാബ്ദി, ആദ്ധ്യാത്മിക സദസ്സിൽ നടൻ ഉണ്ണിമുകുന്ദനാണ് മുഖ്യാതിഥി ആയി എത്തിയത്. ഉണ്ണി മുകുന്ദൻ നായകനാകുന്ന ഏറ്റവും പുതിയ ചിത്രമായ മാളികപ്പുറം സിനിമയുടെ നിർമ്മാതാക്കളിൽ ഒരാളായ വേണു കുന്നിപ്പിള്ളിയും ചടങ്ങിൽ പങ്കെടുത്തു.
അതേസമയം, സിനിമാ പ്രേമികൾ പ്രതീക്ഷയോടെ കാത്തിരിക്കുന്ന ചിത്രമാണ് ഉണ്ണിമുകുന്ദൻ നായകനാകുന്ന മാളികപ്പുറം. കലിയുഗവരദനായ അയ്യപ്പനെപ്പറ്റിയുള്ള ചിത്രമാണിത്. സിനിമയുടെ ചിത്രീകരണമെല്ലാം പൂർത്തിയായിരുന്നു. പ്രശസ്ത സംവിധായകൻ ശശി ശങ്കറിന്റെ മകൻ വിഷ്ണു ശശി ശങ്കറാണ് ചിത്രം സംവിധാനം ചെയ്യുന്നത്. എട്ടു വയസ്സുകാരി കല്യാണിയുടെയും അവളുടെ സൂപ്പർ ഹീറോ ആയ അയ്യപ്പന്റെയും കഥയാണ് “മാളികപ്പുറം” എന്ന ചിത്രം പറയുന്നത്.
Comments