ബീജിംഗ്: രാജ്യത്തെ കർശനമായ കൊറോണ നിയന്ത്രണങ്ങൾക്കെതിരെ ക്യാമ്പസുകളിൽ പ്രതിഷേധവുമായി ചൈനയിലെ വിദ്യാർത്ഥികൾ. മാസങ്ങളായി ക്യാമ്പസുകൾക്കുള്ളിൽ തന്നെ അടച്ചിടപ്പെട്ട വിദ്യാർത്ഥികളാണ് തങ്ങൾക്ക് പുറത്ത് പോകണമെന്ന് ആവശ്യപ്പെട്ട് രാത്രിയിൽ ക്യാമ്പസുകൾക്കുള്ളിൽ പ്രതിഷേധിച്ചത്.
രാജ്യത്ത് കൊറോണ വ്യാപനം രൂക്ഷമായതോടെ, സർക്കാർ ക്വാറന്റൈൻ മാനദണ്ഡങ്ങൾ കടുപ്പിച്ചിരുന്നു. ക്വാറന്റൈനിൽ ഇരിക്കാൻ വിസമ്മതിച്ച യുവാവിനെ അധികൃതർ നിർബന്ധിച്ച് പിടിച്ചു കൊണ്ട് പോകുന്ന ദൃശ്യങ്ങൾ സാമൂഹിക മാദ്ധ്യമങ്ങളിൽ പ്രചരിച്ചിരുന്നു.
സർക്കാരിന്റെ ശക്തി ജനങ്ങളാണ്, രാജ്യത്തിന്റെ ഭാവി വിദ്യാർത്ഥികളുടെ കൈകളിലും. ഞങ്ങളെ തൊട്ടുപോകരുത് തുടങ്ങിയ മുദ്രാവാക്യങ്ങൾ മുഴക്കിയാണ് വിദ്യാർത്ഥികൾ പ്രതിഷേധിക്കുന്നത്.
Dec 5, at #Nanjing Tech University, students rallied to express their dissatisfaction & asked to return home voluntarily after #COVID cases were found during #lockdown. #ChinaProtests #ChinaUprising #chinalockdown #A4Revolution #BlankPapersRevolution #XiJinping #ENDCCP pic.twitter.com/KAijhhCDbr
— Jennifer Zeng 曾錚 (@jenniferzeng97) December 5, 2022
കൊറോണ വ്യാപനത്തിന്റെ പേരിൽ മാസങ്ങളായി ചൈനയിലെ സർവകലാശാല ക്യാമ്പസുകൾ അടഞ്ഞു കിടക്കുകയാണ്. ക്യാമ്പസുകൾക്കുള്ളിൽ നിന്നും വിദ്യാർത്ഥികൾക്ക് പുറത്തേക്കോ, പുറത്തുള്ള വിദ്യാർത്ഥികൾക്ക് ക്യാമ്പസുകളുടെ ഉള്ളിലേക്കോ കടക്കാൻ അനുവാദമില്ല. ചൈനയിൽ ശൈത്യകാലം ആരംഭിച്ച സാഹചര്യത്തിലാണ്, സഞ്ചാര സ്വാതന്ത്ര്യം ആവശ്യപ്പെട്ട് വിദ്യാർത്ഥികൾ പ്രക്ഷോഭം നടത്തുന്നത്.
Comments