എറണാകുളം: ക്രൈം പത്രാധിപർ നന്ദകുമാർ അറസ്റ്റിൽ. മുഖ്യമന്ത്രി പിണറായി വിജയനെ അപകീർത്തിപ്പെടുത്തിക്കൊണ്ടുള്ള വീഡിയോ സമൂഹമാദ്ധ്യമങ്ങളിൽ പങ്കുവെച്ച കേസിലാണ് നന്ദകുമാറിനെ അറസ്റ്റ് ചെയ്തത്. എറണാകുളം നോർത്ത് പോലീസിന്റേതാണ് നടപടി.
അഭിമാന പദ്ധതിയെന്ന് കൊട്ടിഘോഷിച്ച സിൽവർലൈൻ പദ്ധതിയ്ക്കായി സംസ്ഥാന സർക്കാർ ചിലവാക്കിയ തുകയുടെ കണക്കുകൾ കഴിഞ്ഞ ദിവസം പുറത്തുവന്നിരുന്നു. ഇതുമായി ബന്ധപ്പെട്ടായിരുന്നു നന്ദകുമാറിന്റെ പരാമർശം. വീഡിയോയിൽ മുഖ്യമന്ത്രിയ്ക്കെതിരെ നന്ദകുമാർ അസഭ്യവാക്കുകൾ ഉപയോഗിക്കുന്നുണ്ട്. ഇതാണ് അറസ്റ്റിന് കാരണമായത്.
കണ്ണൂർ സ്വദേശിയായ അഹമ്മദ് എന്നയാളാണ് വാട്സ് ആപ്പിൽ ഈ പോസ്റ്റ് പ്രചരിപ്പിച്ചത്. ഇത് വ്യാപകമായി പ്രചരിച്ചതോടെ വ്യാപക വിമർശനവും ഉയർന്നിരുന്നു. ഇതിന്റെ പശ്ചാത്തലത്തിൽ കൂടിയായിരുന്നു അറസ്റ്റ്. സിൽവർ ലൈൻ പദ്ധതിയ്ക്കായി ചിലവിട്ടത് സാധാരണക്കാരന്റെ പണമാണെന്നും, ഇത് തിരിച്ച് അടയ്ക്കണമെന്നുമെല്ലാം വീഡിയോയിൽ ക്രൈംനന്ദകുമാർ പറയുന്നുണ്ട്.
Comments