കൊച്ചി: സംസ്ഥാനത്ത് വീണ്ടും സ്വർണ വില കുറഞ്ഞു. കഴിഞ്ഞ രണ്ട് ദിവസം മാറ്റമില്ലാതെ തുടർന്ന സ്വർണവിലയാണ് ഇന്ന് കുറഞ്ഞത്. ഗ്രാമിന് പത്ത് രൂപയും പവന് 80 രൂപയും കുറഞ്ഞിട്ടുണ്ട്. ഈ മാസത്തെ ഏറ്റവും ഉയർന്ന നിരക്കിൽ നിന്നാണ് ഇപ്പോൾ വില കുറഞ്ഞിരിക്കുന്നത്.
ഇന്ന് ഗ്രാമിന് 4,980 രൂപയും പവന് 39,840 രൂപയുമായിട്ടാണ് സംസ്ഥാനത്ത് വ്യാപാരം നടക്കുന്നത്. സ്വർണത്തിന് ചെറിയ തോതിൽ വില കുറഞ്ഞിട്ടുണ്ടെങ്കിലും കഴിഞ്ഞ ഒമ്പത് മാസത്തെ ഉയർന്ന വിലകളിൽ ഒന്ന് തന്നെയാണ് ഇന്നും രേഖപ്പെടുത്തിയിരിക്കുന്നത്.
കഴിഞ്ഞ രണ്ട് ദിവസം ഗ്രാമിന് 4,990 രൂപയിലും പവന് 39,920 രൂപയിലുമായിരുന്നു വ്യാപാരം നടന്നത്. ഡിസംബർ തുടങ്ങിയതിന് ശേഷം ഇതുവരെ ഗ്രാമിന് 135 രൂപയും പവന് 1,080 രൂപയും വർധിച്ചിരുന്നു.
