ലണ്ടൻ: കായിക രംഗത്തും ബിസിനസ് വളർച്ച വ്യാപിപ്പിച്ച് ശതകോടീശ്വരൻ മുകേഷ് അംബാനി. നിരവധി ഇംഗ്ലീഷ് ക്ലബ്ബുകളാണ് അടുത്തിടെ വിൽപ്പനയ്‌ക്ക് വെച്ചതിന് പിന്നാലെയാണ് മുകേഷ് അംബാനി ഇംഗ്ലണ്ടിലെ ഫുട്‌ബോൾ ക്ലബ്ബ് വാങ്ങാനൊരുങ്ങുന്നതായി റിപ്പോർട്ടുകൾ പുറത്തുവന്നത്. ലിവർപൂൾ ഉൾപ്പെടെയുള്ള ക്ലബ്ബുകളുടെ പേരുകൾ ഉയർന്ന് വന്നിരുന്നെങ്കിലും ആഴ്‌സണൽ ക്ലബ്ബ് വാങ്ങാനൊരുങ്ങുന്നുവെന്ന വാർത്തയാണ് നിലവിൽ പുറത്തു വരുന്നത്.
മകന്റെ ഇഷ്ടപ്രകാരമാണ് ഫുട്‌ബോൾ ക്ലബ്ബ് വാങ്ങുന്നതെന്നാണ് അത്‌ലറ്റിക് പുറത്തുവിട്ട റിപ്പോർട്ടിൽ പറയുന്നത്. കായിക മേഖലയിൽ ഇന്ത്യൻ പങ്കാളിത്തം വർദ്ധിക്കുകയാണെന്നും കൂടുതൽ നിക്ഷേപം ഇനിയുമുണ്ടാകണമെന്ന് എസസ്‌കെഇഎംഎ ബിസിനസ് സ്‌കൂളിലെ സ്പോർട്സ് ആൻഡ് ജിയോപൊളിറ്റിക്കൽ എക്കണോമി പ്രൊഫസറായ സൈമൺ ചാഡ്വിക്ക് വ്യക്തമാക്കിയതിന് പിന്നാലെയാണ് ലോകത്തിലെ പത്താമത്തെ ഏറ്റവും വലിയ ധനികനായ മുകേഷ് അംബാനി സുപ്രധാന പ്രഖ്യാപനവുമായെത്തിയയത്.
അംബാനിയുടെ മകൻ ആകാശ് ആഴ്‌സണലിന്റെ വലിയ ആരാധകനാണെന്നും അംബാനി കുടുംബം ഫുട്‌ബോളിനായി പണം മുടക്കാൻ ശ്രമിച്ചാൽ അത് ആഴ്‌സണലിൽ മാത്രമാകുമെന്നും റിപ്പോർട്ടിൽ പറയുന്നു. പ്രമീയർ ലീഗിൽ നിലവിൽ പോയിന്റ് പട്ടികയിൽ ഒന്നാമതാണ് ആഴ്‌സണൽ. ക്രിക്കറ്റ് ഇതര സ്ഥാപനങ്ങളിൽ നിക്ഷേപം നടത്താനുള്ള ഇന്ത്യയുടെ ആഗ്രഹം വർദ്ധിച്ചുതകൊണ്ടിരിക്കുകയാണെന്നും റിപ്പോർട്ട് കൂട്ടിച്ചേർത്തു. നിലവിൽ 90.7 ബില്യൺ ഡോളർ ആസ്തിയുള്ള മുകേഷ് അംബാനിയ്‌ക്ക് ഈ പദ്ധതിയിൽ താൽപ്പര്യമുണ്ടെന്നും റിപ്പോർട്ടിൽ പറയുന്നു.
