തിരുവനന്തപുരം: ക്ഷേത്രം തുറക്കാൻ എത്തിയ പൂജാരിക്ക് മർദ്ദനം. കാട്ടാക്കട പൂവച്ചൽ പേഴുംമൂട് ശാസ്താ ക്ഷേത്രത്തിലാണ് സംഭവം. രാവിലെ 5.45ന് ക്ഷേത്രം തുറക്കാൻ എത്തിയ പൂജാരിയെയാണ് മൂന്നംഗ സംഘം ആക്രമിച്ചത്.
ഗുരുതരമായി പരിക്കേറ്റ ക്ഷേത്ര പൂജാരി പത്മനാഭനെ (35) നാട്ടുകാർ ആശുപത്രിയിൽ എത്തിച്ചു. തിരുവനന്തപുരം മെഡിക്കൽ കോളേജ് ആശുപത്രിയിലാണ് ഇദ്ദേഹം ചികിത്സയിൽ കഴിയുന്നത്.
രാവിലെ മൂന്നുപേർ ക്ഷേത്രനടയിൽ എത്തി ക്രൂരമായി മർദ്ദിച്ചുവെന്ന് പൂജാരിയായ പത്മനാഭൻ പറയുന്നു. പരിക്കേറ്റ പത്മനാഭന്റെ നിലവിളി കേട്ട് നാട്ടുകാരെത്തുമ്പോഴേക്കും അക്രമികൾ കടന്നുകളഞ്ഞിരുന്നു. അക്രമത്തിന് പിന്നിൽ ഡിവൈഎഫ്ഐ പ്രവർത്തകരാണെന്ന് ഹിന്ദു ഐക്യവേദി ജില്ലാ വർക്കിംഗ് പ്രസിഡന്റ് ഹരികുമാർ ആരോപിച്ചു.
Comments