ബ്യൂണസ് അയേഴ്സ്: മുപ്പത്തിയാറ് വർഷങ്ങൾക്ക് ശേഷം ഫുട്ബോൾ ലോകകപ്പ് നാട്ടിലെത്തിച്ചതിന്റെ ആഹ്ലാദത്തിൽ അർജന്റീന ഫുട്ബോൾ ടീം നയിച്ച ജയഘോഷയാത്രയ്ക്കിടെ ഒഴിവായത് വൻ ദുരന്തം. ആരവങ്ങൾ അലമുറകൾക്ക് വഴിവെക്കാതെ ദുരന്തം ഒഴിഞ്ഞു പോയതിന്റെ ആശ്വാസത്തിലാണ് അർജന്റീനിയൻ ആരാധകർ. ദോഹയിൽ നിന്നും പുലർച്ചയോടെ ബ്യൂണസ് അയേഴ്സിലെത്തിയ മെസിയും സംഘവും തുറന്ന ബസിൽ കിരീടവുമായി നഗര പ്രദക്ഷിണം നടത്തുന്നതിനിടെയായിരുന്നു ഞെട്ടിക്കുന്ന സംഭവം.
NO PERO! pic.twitter.com/63D1GK1TIh
— Vicky ⭐️⭐️⭐️ (@vickytedije) December 20, 2022
മുന്നോട്ട് നീങ്ങിയ ബസിന് തൊട്ടുമുകളിൽ കുറുകെയായി ഉണ്ടായിരുന്ന കേബിൾ ആരുടെയും ശ്രദ്ധയിൽ പെട്ടില്ല. ബസ് കേബിളിന് തൊട്ടടുത്ത് എത്തിയപ്പോൾ അപകടം മനസ്സിലാക്കിയ താരങ്ങൾ പെട്ടെന്ന് കുനിഞ്ഞതിനാൽ അപകടം ഒഴിവാകുകായിരുന്നു. ആരവങ്ങൾക്കിടെ ഒരു നിമിഷത്തേക്ക് അന്ധാളിച്ച് ആരാധകരും ഒടുവിൽ ആശ്വാസത്തോടെ ദൈവത്തിന് നന്ദി പറഞ്ഞു.
ലോക കിരീടവുമായി അർജന്റീന ഫുട്ബോൾ ടീം പുലർച്ചെ രണ്ട് മുപ്പതിനാണ് പ്രത്യേക വിമാനത്തിൽ ജന്മനാട്ടിലെത്തിയത്. വിമാനത്താവളത്തിൽ സർക്കാർ പ്രതിനിധികളും ആരാധകരും മാദ്ധ്യമ പ്രവർത്തകരും ചേർന്ന് ആവേശകരമായ സ്വീകരണമാണ് സ്വപ്ന നേട്ടം സ്വന്തമാക്കിയ ടീമിനായി ഒരുക്കിയിരുന്നത്.
Comments