ഔറംഗബാദ്: മുൻ പ്രധാനമന്ത്രി അടൽ ബിഹാരി വാജ്‌പേയിയുടെ ജന്മദിനത്തിൽ വമ്പൻ പ്രഖ്യാപനവുമായി ബിജെപി പ്രവർത്തകർ. സദ്ഭരണദിനത്തിൽ ഒരു നക്ഷത്രത്തിന് വാജ്‌പേയിയുടെ പേര് നൽകിയാണ് ഔറംഗബാദിലെ ബിജെപി പ്രവർത്തകർ ആദരവർപ്പിച്ചത്. ബിജെപി പ്രസിഡന്റ് ഷിരിഷ് ബോറൽക്കറാണ് പ്രഖ്യാപനം നടത്തിയത്.
ഭൂമിയിൽ നിന്ന് 392.01 പ്രകാശവർഷമാണ് ഈ നക്ഷത്രത്തിലേക്കുള്ള ദൂരം. സൂര്യനോട് ഏറ്റവും അടുത്തുള്ള നക്ഷത്രമാണിത്.’14 05 25.3 -60 28 51.9 കോർഡിനേറ്റുകളുള്ള നക്ഷത്രം 2022 ഡിസംബർ 25-ന് ഇന്റർനാഷണൽ സ്പേസ് രജിസ്ട്രിയിൽ രജിസ്റ്റർ ചെയ്തു. നക്ഷത്രത്തിന് അടൽ ബിഹാരി വാജ്പേയി ജി എന്നാണ് പേര് നൽകിയിരിക്കുന്നത് രജിസ്ട്രേഷൻ നമ്പർ CX16408US,’ റെജിസ്ട്രി ഇന്റർനാഷണൽ സ്പേസ് സർട്ടിഫിക്കറ്റ് വായിച്ച് ഷിരിഷ് ബോറൽക്കർ അറിയിച്ചു.
രാഷ്‌ട്രീയ സ്വയംസേവക സംഘത്തിലൂടെയും ഭാരതീയ ജനസംഘത്തിലേയ്‌ക്കും പിന്നീട് ഭാരതീയ ജനതാ പാർട്ടിയുടെ അമരക്കാരനായും മാറിയ അടൽ ബിഹാരി വാജ്പേയി 1924 ഡിസംബർ 25ന് മദ്ധ്യപ്രദേശിലെ ഗ്വാളിയോറിലാണ് ജനിച്ചത്. മൂന്ന് തവണ പ്രധാന മന്ത്രിയായ അടൽജിയിലൂടെ ഇന്ത്യ ലോകത്തിന് മുന്നിൽ ശക്തിയുടേയും സമചിത്തതയുടേയും സമാധാനത്തിന്റേയും സന്ദേശമാണ് നൽകിയത്.
രാജ്യത്തിന്റെ വികസനത്തിന് പുതിയ ദിശാബോധം നൽകിയ എ ബി വാജ്പേ യിയെ പരമോന്നത സിവിലിയൻ ബഹുമതിയായ ഭാരതരത്നം നൽകിയാണ് രാജ്യം ആദരിച്ചത്. ഡൽഹിയിലെ ഓൾ ഇന്ത്യ ഇൻസ്റ്റിറ്റിയൂ ട്ട് ഓഫ് മെഡിക്കൽ സയൻസിൽ വച്ച് 2018 ഓഗസ്റ്റ് 16-ന് വൈകുന്നേരം 5.05ന് അദ്ദേഹം അന്തരിച്ചു.
