കൈപൊള്ളിച്ച് സ്വർണം; വില വീണ്ടും ഉയർന്നു

തിരുവനന്തപുരം:സംസ്ഥാനത്ത് സ്വർണ വിലയിൽ വീണ്ടും വർദ്ധനവ്. ഗ്രാമിന് 10 രൂപ വർദ്ധിച്ചതോടെ ഒരു പവൻ സ്വർണത്തിന് വില 39,960 രൂപയായി. 4995 രൂപയാണ് ഒരു ഗ്രാം സ്വർണത്തിന്റെ വില.

പവന് 80 രൂപയുടെ വർദ്ധനവാണ് ഉണ്ടായിരിക്കുന്നത്. ഒരു ദിവസത്തെ വിശ്രമത്തിന് ശേഷമാണ് വിലയിൽ അനക്കം ഉണ്ടാകുന്നത്. ക്രിസ്മസ് ദിനമായ ഇന്നലെ സ്വർണ വിലയിൽ മാറ്റം ഉണ്ടായിരുന്നില്ല. അതേസമയം സംസ്ഥാനത്ത് സ്വർണ വില വീണ്ടും പവന് 40,000 ലേക്ക് അടുക്കുകയാണ്.

ഈ മാസം മൂന്ന് തവണയാണ് പവന് വില 40,000 കടന്നത്. ഡിസംബർ 14, 21, 22 എന്നീ തയിതികളിൽ ആയിരുന്നു ഇത്. ഇതിൽ 14നായിരുന്നു ഈ മാസത്തെ ഏറ്റവും ഉയർന്ന നിരക്ക്. 40,240 രൂപയായിരുന്നു ഡിസംബർ 14 ന് ഒരു പവൻ സ്വർണത്തിന്റെ വില.