മുംബൈ: ഉത്തർപ്രദേശ് മുഖ്യമന്ത്രി യോഗി ആദിത്യനാഥിനെ സന്ദർശിച്ച് ബോളിവുഡ് താരങ്ങൾ. ദ്വിദിന സന്ദർശനത്തിനായി യുപി മുഖ്യമന്ത്രി മുംബൈയിലെത്തിയ വേളയിലാണ് ജാക്കി ഷെറോഫ് ഉൾപ്പെടെയുള്ള സിനിമാ താരങ്ങൾ യോഗിയെ നേരിൽ കണ്ട് സംസാരിച്ചത്.
സിനിമാ ഷൂട്ടിംഗിനായി യുപിയിലേക്ക് വരുന്നതും സിനിമാ നിർമ്മാതാക്കൾക്ക് സബ്‌സിഡി വിതരണം ചെയ്യുന്നതും സംബന്ധിച്ച ചർച്ചകളാണ് താരങ്ങൾ യോഗിയുമായി നടത്തിയത്. ജാക്കി ഷെറോഫ് കൂടാതെ സുനിൽ ഷെട്ടി, കൈലാഷ് ഖേർ, സോനു നിഗം തുടങ്ങിയവർ യോഗിയുമായി സംസാരിച്ചിരുന്നു. സന്ദർശനത്തിന് പിന്നാലെ യോഗിയോടൊപ്പം നിൽക്കുന്ന ചിത്രങ്ങളും താരങ്ങൾ ട്വിറ്ററിൽ പങ്കുവച്ചു.
ഉത്തർപ്രദേശ് മുഖ്യമന്ത്രിയുമായി കൂടിക്കാഴ്ച നടത്താനുള്ള അവസരം ലഭിച്ചുവെന്നും യുപിയിലെ സിനിമാ നയത്തെക്കുറിച്ചും ഫിലിം സിറ്റിയെക്കുറിച്ചുമുള്ള കാര്യങ്ങൾ അറിയാൻ കഴിഞ്ഞുവെന്നും ജാക്കി ഷെറോഫ് ട്വിറ്ററിൽ കുറിച്ചു. യോഗിയോടൊപ്പമുള്ള ചിത്രവും അദ്ദേഹം പങ്കുവച്ചിട്ടുണ്ട്.
नीति दिखी
नियत दिखी
नतीजा दिख ही जाएगा
आप मुंबई आए,हमारी बात सुनी, आपका दिल से धन्यवाद #UP फिल्म सिटी से आगे फिल्म स्टेट बने यही हमारी प्रार्थना है@myogiadityanath @myogioffice @uptourismgov
@rahulmittra13 @ravikishann @nirahua1 @bindasbhidu @jackkybhagnani pic.twitter.com/gRzafRoNrt— Suniel Shetty (@SunielVShetty) January 6, 2023
അതേസമയം യുപി ഒരു സിനിമാ സൗഹൃദ സംസ്ഥാനമാണെന്ന് മുഖ്യമന്ത്രി യോഗി ആദിത്യനാഥ് പ്രതികരിച്ചു. സമൂഹത്തെ ഐക്യത്തോടെ നിലനിർത്തുന്നതിൽ സിനിമകൾക്ക് വലിയ പങ്കുവഹിക്കാനാകും. സിനിമാ മേഖലയിൽ നിന്നുള്ള രണ്ട് പേർ യുപിയിലെ എംപിമാരാണ്. അതിനാൽ നിങ്ങൾ അഭിമുഖീകരിക്കുന്ന പ്രശ്‌നങ്ങൾ എന്തെല്ലാമാണെന്നും നിങ്ങൾക്ക് എന്താണ് ആവശ്യമെന്നും അറിയാം. സമൂഹത്തിന് ഐക്യമുണ്ടാകാനും നിലനിർത്താനും കാത്തുസൂക്ഷിക്കാനും സിനിമ നിർണായകമായ പങ്കുവഹിക്കുന്നുണ്ടെന്നും കൂടിക്കാഴ്ചക്കിടെ യോഗി ആദിത്യനാഥ് പറഞ്ഞു.
