ഓസ്ട്രേലിയ : ഓസ്ട്രേലിയൻ കടലിൽ നിന്നുമൊരു അത്യപൂർവ്വ കാഴ്ചയാണ് സമൂഹമാദ്ധ്യമങ്ങളിൽ ഇപ്പോൾ തരംഗമാകുന്നത്. കടൽത്തീരത്ത് നിന്നും ഒരു ഫോട്ടോഗ്രാഫറാണ് കാഴ്ച പുറം ലോകത്തെ അറിയിച്ചത്.
മഴവില്ല് വിരിഞ്ഞപ്പോൾ ഡോൾഫിൻ അതിനടുത്തേക്ക് ഉയർന്ന് ചാടുന്നതാണ് ദൃശ്യം. അതിമനോഹരമായ കാഴ്ച പശ്ചിമ ഓസ്ട്രേലിയയുടെ തീരത്ത് നിന്ന് ഫോട്ടോഗ്രാഫർ ജയ്മൻ ഹഡ്സണാണ് വിഡിയോ ചിത്രീകരിച്ചത്. ഡോൾഫിൻ കുതിച്ചു പൊങ്ങിയതും പശ്ചാത്തലത്തിൽ മഴവില്ല് ഉദിച്ചതും കാഴ്ചക്ക് മികവേകി. മഴവില്ല് ഉദിക്കുന്നതും ഡോൾഫിൻ ചാടുന്നതും പുതുമയുള്ള സംഭവമല്ല. എന്നാൽ രണ്ടും ഒന്നിച്ചു കാണാൻ കഴിഞ്ഞതാണ് ദൃശ്യത്തെ വ്യത്യസ്തമാക്കുന്നതും കൂടുതൽ ഭംഗിയുള്ളതാക്കുന്നതും.
Dolphin jumping over a rainbow
📹@jaimenhudson pic.twitter.com/SOyv9jwTWi
— Science girl (@gunsnrosesgirl3) January 2, 2023
സയൻസ് ഗേൾ എന്ന ഉപയോക്താവാണ് ഈ വീഡിയോ ട്വിറ്ററിലൂടെ പങ്കുവച്ചത്. ഇതിനോടകം അഞ്ച് ലക്ഷത്തോളം പേർ കാണുകയും പങ്കുവെക്കുകയും ചെയ്തിട്ടുണ്ട്. ‘ജയ്മാൻ ഹഡ്സണാണ് മഴവില്ലിനൊപ്പെം സുന്ദര കടൽജീവി ഉയർന്ന് ചാടുന്ന മാന്ത്രികദൃശ്യം പകർത്തിയത്’ എന്ന അടിക്കുറിപ്പോടെയാണ് അദ്ദേഹം വീഡിയോ പങ്കുവെച്ചിരിക്കുന്നത്.
Comments