ഉപഭോക്താക്കൾക്കായി നിരവധി ഓഫറുകൾ നൽകുന്നവരാണ് പ്രമുഖ ഇകോമേഴ്‌സ് കമ്പനികങ്ങളില്‍ മിക്കവയും. ഓണം,വിഷു,ക്രിസ്മസ് തുടങ്ങി ആഘോഷവേളകളിലും ആഴ്ച അവസാനവുമൊക്കെ അനവധി ഓഫറുകളാണ് ആമസോണ്‍, ഫ്‌ളിപ്പ്കാര്‍ട്ട് തുടങ്ങിയ കമ്പനികള്‍ നല്‍കാറുള്ളത്. എല്ലാ വർഷവും റിപ്പബ്ലിക് ദിനത്തിനോട് അനുബന്ധിച്ച് കമ്പനികൾ വൻ ഓഫറുകളാണ് ഉപഭോക്താക്കൾക്കായി നൽകുന്നത്. ഈ വർഷം ആപ്പിളിന്റെ ഏറ്റവും പുതിയ ഫോണായ ഐഫോൺ 14-ന് ഫ്‌ളിപ്പ്കാർട്ടും ആമസോണും മികച്ച ഓഫർ നൽുമെന്നാണ് ലഭിക്കുന്ന വിവരം.
ഐഫോൺ 15 പുറത്തിറക്കാൻ ആപ്പിൾ ഒരുങ്ങുന്ന വേളയിൽ ഐഫോൺ 14 വാങ്ങാൻ മികച്ച അവസരമാവും ഫ്‌ളിപ്പ്കാർട്ടും ആമസോണും വരും ദിവസങ്ങളിൽ ഒരുക്കുന്നത്. 79,900 രൂപയാണ് ഐഫോണിന്റെ വില. ഫ്‌ളിപ്പകാർട്ട് അഞ്ച് ശതമാനം കിഴിവാണ് വാഗ്ദാനം ചെയ്യുന്നത്. ഇതോടെ വില 73,990 രൂപയായി കുറയും. ഇതിന് പുറമേ ഫോൺ എക്‌സ്‌ചേഞ്ചിലൂടെ വാങ്ങുന്നവർക്കായാണ് ഫ്‌ളിപ്പ്കാർട്ടിൽ വമ്പൻ ഓഫർ കാത്തിരിക്കുന്നത്. 23,000 രൂപ വരെ എക്‌ചേഞ്ച് ചെയ്യുമ്പോൾ നേടാനാവും. എല്ലാ കിഴിവുകൾക്കുമൊടുവിൽ ഫ്‌ളിപ്പ്കാർട്ടിൽ നിന്നും കേവലം 47,990-ന് ഐഫോൺ 14 ലഭിക്കും.
ആമസോണും വമ്പൻ ഓഫറായാണ് റിപ്പബ്ലിക് ദിനത്തിലെത്തുന്നത്. 128 ജിബി ഐഫോൺ 14-ന്റെ വില 73,900 ആണ്. ഇത് യഥാർത്ഥ വിലയിൽ നിന്നും 6,000 രൂപയോളം കുറവാണ്. ഇതിന് പുറമേ എച്ച്ഡിഎഫ്‌സി ബാങ്കിന്റെ ഉപഭോക്താക്കൾക്ക് 4,000 ഉടനടി ക്യാഷ്ബാക്ക് പ്രയോജനപ്പെടുത്താം. കൂടാതെ ആമസോണിൽ 18,000 രൂപ വരെ എക്‌സ്‌ചേഞ്ച് ചെയ്തും നേടാനാകും.
