രണ്ട് പോപ്പുലർഫ്രണ്ട് ഭീകരരെ പിടികിട്ടാപ്പുള്ളികളായി പ്രഖ്യാപിച്ച് എൻഐഎ; വിവരം നൽകിയാൽ അഞ്ച് ലക്ഷം രൂപവീതം പാരിതോഷികം

ബംഗളുരു: കർണാടകയിലെ രണ്ട് പോപ്പുലർ ഫ്രണ്ട് ഭീകരരെ പിടികിട്ടാപ്പുള്ളുകളായി പ്രഖ്യാപിച്ച് ദേശീയ അന്വേഷണ ഏജൻസി. മുഹമ്മദ് ഷെരീഫ്, മസൂദ് എന്നിവരെയാണ് പിടികിട്ടാപുള്ളികളായി പ്രഖ്യാപിച്ചത്. മംഗലാപുരത്തെ യുവമോർച്ച നേതാവ് പ്രവീൺ നെട്ടാരു കൊലക്കേസ് പ്രതികളാണ് ഇരുവരും.

അഞ്ച് ലക്ഷം രൂപവീതമാണ് പാരിതോഷികം പ്രഖ്യാപിച്ചിരിക്കുന്നത്. ഇവരെ പിടികൂടാൻ സഹായിക്കുന്നവർക്ക് ഈ തുക എൻഐഎ നൽകും. ഭീകരരെ സംബന്ധിച്ച് വിവരങ്ങൾ നൽകുന്നവരുടെ വ്യക്തിവിവരങ്ങൾ തികച്ചും രഹസ്യമായിക്കുമെന്നും എൻഐഎ വ്യക്തമാക്കി.

National Investigation Agency (NIA) has declared a reward of Rs 5 lakh each against two Popular Front of India (PFI) members- Kodaje Mohammed Sherif, 53, and Masud KA, 40, both residents of Kannada district in Karnataka. pic.twitter.com/PnGeyF5IDt

— ANI (@ANI) January 20, 2023

കേസിൽ ഒളിവിൽ കഴിയുന്ന എസ്. മുഹമ്മദ് മുസ്തഫ, എം.എച്ച്. തൗഫൽ, എം.ആർ. ഉമ്മർ ഫാറൂഖ്, സിദ്ദിഖ് എന്നിവർക്കായും എൻഐഎ റിവാർഡ് തുക പ്രഖ്യാപിച്ചിരുന്നു. എസ്. മുഹമ്മദ് മുസ്തഫ, എം.എച്ച്. തൗഫൽ എന്നിവരെക്കുറിച്ച് വിവരം നൽകുന്നവർക്ക് അഞ്ച ലക്ഷവും എം.ആർ. ഉമ്മർ ഫാറൂഖ്, സിദ്ദിഖ് എന്നിവർക്കായി രണ്ട് ലക്ഷം രൂപയുമാണ് അന്വേഷണ ഏജൻസി പ്രതിഫലത്തുകയായി പ്രഖ്യാപിച്ചിരുന്നത്.

ബെല്ലാരിയിൽ യുവമോർച്ച ജില്ല സെക്രട്ടറിയായിരുന്നു പ്രവീൺ നെട്ടാരു. ജൂലൈ 26 ന് സൈക്കിളിലെത്തിയ അക്രമികൾ പ്രവീണിനെ വെട്ടിക്കൊലപ്പെടുത്തുകയായിരുന്നു. പിന്നാലെ നടത്തിയ അന്വേഷണത്തിൽ കൊലയ്‌ക്ക് പിന്നിൽ പോപ്പുലർ ഫ്രണ്ട് ഭീകരരാണെന്ന് കണ്ടെത്തുകായായിരുന്നു.