മലപ്പുറം: ട്രെയിൻ മാർഗം ആന്ധ്രയിൽ നിന്നും കേരളത്തിലേക്ക് കഞ്ചാവ് കടത്തിയ രണ്ടുപേർ മലപ്പുറത്ത് പിടിയിൽ. കണ്ണൂർ കൂത്തുപറമ്പ് സ്വദേശി നസിയ മൻസിൽ വീട്ടിൽ മുഹമ്മദ് ഷാഫി (70), തിരൂർ കണ്ണംകുളം സ്വദേശി മൂസ കുഞ്ഞിമാക്കാനകത്ത് ജാബിർ (26) എന്നിവരാണ് തിരൂരങ്ങാടിയിൽ വെച്ച് പിടിയിലായത്.
ആന്ധ്രാപ്രദേശിൽ നിന്നും ട്രയിൻമാർഗ്ഗം കേരളത്തിലേക്ക് കഞ്ചാവ് എത്തിച്ചുകൊടുക്കുന്ന സംഘമാണ് ഇവർ. രഹസ്യവിവരത്തെ തുടർന്ന് നടത്തിയ പരിശേധനയിലാണ് ഇരുവരും പിടിയിലായതെന്ന് തിരൂരങ്ങാടി എസ്‌ഐയും പറഞ്ഞു.
ആന്ധ്രയിൽ നിന്നും കേരളത്തിലേക്ക് കഞ്ചാവ് കടത്തുന്നത് വർദ്ധിച്ചുവരുന്നതായാണ് റിപ്പോർട്ടുകൾ വ്യക്തമാക്കുന്നു. കഴിഞ്ഞ ആഴ്ച ആന്ധ്രയിൽ നിന്നും കേരളത്തിലേക്ക് കടത്തുന്നവഴി 1200 കിലോ കഞ്ചാവ് തമിഴ്‌നാട്ടിൽവെച്ച് പിടിച്ചെടുത്തിരുന്നു. ആന്ധ്രയിൽ നിന്നും വിഴുപ്പുറം വഴി വൻ തോതിൽ കഞ്ചാവ് തമിഴ്‌നാട്ടിലേക്ക് എത്തുന്നതായി പോലീസിന് രഹസ്യ വിവരം ലഭിച്ചതിനെ തുടർന്ന് നടത്തിയ പരിശോധനയിലാണ് 1200 കിലോ കഞ്ചാവ് പിടികൂടിയത്.
