ന്യുഡൽഹി: ഭീകരസംഘടനയായ ഇസ്ലാമിക് സ്റ്റേറ്റിന് വേണ്ടി പ്രവർത്തിച്ചതിന് അറസ്റ്റിലായ യുവാവിനെതിരെ കുറ്റപത്രം സമർപ്പിച്ച് എൻഐഎ. മുഹമ്മദ് മൊഹസീൻ അഹമ്മദിനെതിരെയാണ് പട്യാലയിലെ പ്രത്യേക കോടതിയിൽ എൻഐഎ കുറ്റപത്രം സമർപ്പിച്ചത്.
ഐഎസിന് വേണ്ടി പണം സമാഹരിക്കുകയും സിറിയയിൽ പ്രവർത്തിക്കുന്ന ഭീകരർക്ക് ക്രിപ്റ്റോ കറൻസി ചാനലുകൾ വഴി അഹമ്മദ് പണം അയച്ചുനൽകുകയും ചെയ്തുവെന്ന് കുറ്റപത്രത്തിൽ പറയുന്നു. ഭീകരസംഘടനയുടെ ആശയം പ്രചരിപ്പിക്കാൻ ശ്രമിച്ചുവെന്നും പല ഗൂഢാലോചനയിലും പങ്കാളിയായെന്നുമാണ് കുറ്റപത്രം.
2022 ജൂൺ 25-ന് അഹമ്മദിനെതിരെ എൻഐഎ സ്വമേധയാ രജിസറ്റർ ചെയ്ത കേസാണിത്. തീവ്രവാദ ആശയങ്ങൾ പ്രചരിപ്പിച്ച് ഇന്ത്യയിലെ യുവാക്കളെ ഐഎസിലേക്ക് റിക്രൂട്ട് ചെയ്യുന്നതും പ്രതിയുടെ ദൗത്യമായിരുന്നുവെന്ന് എൻഐഎ അന്വേഷണത്തിൽ കണ്ടെത്തിയിട്ടുണ്ട്.
Comments