ന്യൂഡൽഹി: പടിഞ്ഞാറൻ ഹിമാലയൻ മേഖലയിലെ പല പ്രദേശങ്ങളിലും അടുത്ത രണ്ട് ദിവസങ്ങളിൽ മഴയോ മഞ്ഞുവീഴ്ചയോ ഉണ്ടാകുമെന്ന് കേന്ദ്ര കലാവസ്ഥ വകുപ്പ് മുന്നറിയിപ്പ് നൽകി. 9,10 തീയതികളിൽ ഇടിമിന്നലോട് കൂടിയ മഴയ്ക്കും സാധ്യത.
അതേസമയം, കഴിഞ്ഞ 24 മണിക്കൂറിനുള്ളിൽ ജമ്മു കശ്മീരിൽ പലയിടത്തും, ഹിമാചൽ പ്രദേശിലും, ഉത്തരാഖണ്ഡ്, അരുണാചൽ പ്രദേശ്, അസം, മേഘാലയ എന്നിവിടങ്ങളിലെ ഒറ്റപ്പെട്ട ഇടങ്ങളിൽ തീക്ഷ്ണത കുറഞ്ഞ ചാറ്റൽ മഴയോ, മഞ്ഞുവീഴ്ച്ചയോ ഉണ്ടാകാൻ സാധ്യത ഉണ്ടെന്നും കാലാവസ്ഥാ വകുപ്പ് അറിയിച്ചു.
നാളെ രാത്രി മുതൽ പശ്ചിമ ഹിമാലത്തിൽ കാലാവസ്ഥാ വ്യതിയാനം സംഭവിക്കാൻ ഇടയുണ്ടെന്നും അതിന്റെ സ്വാധീനത്തിൽ , ജമ്മു കശ്മീർ, ലഡാക്ക്, ഗിൽജിത്-ബാൾട്ടിസ്ഥാൻ, മുസാഫറാബാദ്, ഹിമാചൽ പ്രദേശ് എന്നിവിടങ്ങളിൽ ഇന്ന് ഒറ്റപ്പെട്ട മഴയ്ക്കോ, മഞ്ഞുവീഴ്ച്ചയ്ക്കോ സാധ്യതയുണ്ടെന്നും പശ്ചിമ ബംഗാൾ, സിക്കിം എന്നിവിടങ്ങളിലെ ഒറ്റപ്പെട്ട ഇടങ്ങളിൽ മൂടൽമഞ്ഞ്ഉണ്ടാകാൻ സാധ്യതയുണ്ടെന്നും കലാവസ്ഥാവകുപ്പ് മുന്നറിയിപ്പ് നൽകുന്നു.
Comments